"შვიდმა ახალგაზრდამ ღობე დააზიანა" - ოკუპირებული ცხინვალის КГБ აცხადებს, რომ ქართველმა ახალგაზრდებმა ე.წ. საზღვარზე ღობე დააზიანეს - რა ვიდეოს ავრცელებს ე.წ. უშიშროების სამსახური
ოკუპირებული ცხინვალის ე. წ. უშიშროების სამსახური ავრცელებს განცხადებას, სადაც "საქართველოს მხრიდან მზარდ პროვოკაციებზეა საუბარი“, რაც მათი ცნობით, გამოხატულია “სამხრეთ ოსეთის რესპუბლიკის" "საზღვრის" დასაცავად გამოყენებული ბარიერების დაზიანებით.“
"2022 წლის 4 ივლისს ცხინვალის რაიონის სოფელ ქსუისის მიმდებარე ტერიტორიაზე შვიდმა ახალგაზრდამ დაარღვია "სახელმწიფო საზღვარი" და დააზიანა ღობის ნაწილი. მსგავსი კრიმინალური აქტი ჩაიდინეს 12 ივლისსაც ცხინვალის რაიონის სოფელ გრომთან", - ნათქვამია განცხადებაში.
ოკუპირებული რეგიონის KGB-ს ინფორმაციით, გარდა ზემოთ ჩამოთვლილი ინციდენტებისა, წელს ასევე დაფიქსირდა ე.წ. სასაზღვრო საინფორმაციო ნიშნების მოპარვის და სადამკვირვებლო პოსტების განადგურების ფაქტები.
- ისინი აღნიშნულს "ვანდალიზმს“ უწოდებენ და აცხადებენ, რომ სჯერათ, "საზღვარზე" განხორციელებული ქმედებები მხარდაჭერილი და ორგანიზებულია ქართული რეჟიმის მიერ და ეჭვქვეშ აყენებს საქართველოს ვალდებულებას მშვიდობიანი დიალოგისკენ.
ე.წ. უშიშროების სამსახურის ცნობით, "პროვოკატორების მიერ სახელმწიფო ქონების დარღვევის ყველა ფაქტი დოკუმენტირებულია და კრიმინალურ ქმედებად არის შეფასებული."
ადგილობრივი მედია ფაქტის ამსახველ ვიდეოსაც ავრცელებს: