"მგონი კიდევ ვერ იაზრებთ, რას დაეტაკეთ... დრო გაჩვენებთ თქვენ ნამდვილ მოღალატეებს და სამარცხვინო ადამიანებს" - მეგი გოგიტიძე კრიტიკოსებს პასუხობს: რა ვიდეომიმართვას ავრცელებს მომღერალი?

მას შემდეგ, რაც ქართულ მედიაში გავრცელდა ინფორმაცია, რომ მეგი გოგიტიძე მოსკოვში კონცერტს გამართავს, მომღერალმა გადაწყვიტა იმ ადამიანებისთვის, ვინც მას აკრიტიკებს ერთგვარი მიმართვა გაევრცელებინა. ვიდეოში ამბობს, რომ არ დაეძებს არც ტალახს და არც დიდებას.

მეგი გოგიტიძე:

- წლები გავა, მშვიდობით და ომებით. ღვთის სიმართლე ჩამოივლის მორებით და ის ხალხი დღეს ვინც მე ქვა მესროლა: გმირი ხარო მეტყვის განმეორებით არ დავეძებ არც ტალახს არც დიდებას, ღვთის სიტყვას კი დავატარებ სხივებად.

მადლობა ახალი სიმღერის მოტივაციისთვის. მალე გამოუშვებ.. აი, ეს სიტყვები აუცილებლად თქვენს სიზმრებში მოვა p.s მგონი კიდევ ვერ იაზრებთ ეხლა რას დაეტაკეთ დრო გაჩვენებთ თქვენ ნამდვილ მოღალატეებს და ნამდვილ სამარცხვინო ადამიანებს თქვენ არ გიცნობთ მე..და არც მინდა გიცნობდეთ..

ამ ყველაფრის ნიშანს ღმერთი მოგვცემს..იყოს ნება ღვთისა..მადლობა ღმერთს ყველაფრისათვის.. ამინ

მეგი გოგიტიძე 6 აგვისტოს Fantomas Rooftop-ში, "მოსკოვის გულში", როგორც მას რუსული მედია უწოდებს, კონცერტს გამართავს. ქართველ მომღერალს ოკუპანტ ქვეყანაში კიდევ ერთი კონცერტი აქვს დაგეგმილი, რომელიც სოჭში, 29 ივლისს გაიმართება.

რუსულ ვებგვერდზე, სადაც მომღერლის კონცერტის ანონსია გამოქვეყნებული, წერენ, რომ უნიკალური ქართველი მომღერალი "ერთგვარი ფენომენია" მუსიკალურ სამყაროში. "ქართული ეთნოსის განსაცვიფრებელი ნაზავი, მელოდიურობა და გულწრფელი პოეტური სტრიქონები, რომელიც მორგებულია თანამედროვე ჟღერადობაზე", - წერს რუსული მედია.

მას შემდეგ, რა რუსეთში გასამართი კონცერტების ანონსის შესახებ გახდა ცნობილი, მეგი გოგიტიძეს ბათუმში ერთ-ერთმა კლუბმა დაანონსებული კონცერტი გაუუქმა.