"მამიკოს გამხარებელი, ჩემი მეოთხე გოგონა" - თაკო ტაბატაძისა და გია ბაღაშვილის ქალიშვილი იუბილარია: როგორ აღნიშნეს დაბადების დღე?(ფოტო)

ცოტა ხნის წინ ცნობილი გახდა, რომ თაკო ტაბატაძე და გია ბაღაშვილი ერთმანეთს დაშორდნენ. წყვილმა 2009 წელს იქორწინა, იმჟამად თაკო 18 წლის იყო და მიუხედავად იმისა, რომ მათ შორის 19 - წლიანი ასაკობრივი სხვაობა იყო, წყვილი ბედნიერად გრძნობდა თავს.

10 წლიანი თანაცხოვრებისა და ოთხი გოგონას დაბადების შემდეგ, ოჯახი დაინგრა და ახლა ცალკ-ცალკე ცხოვრობენ. თაკო ტაბატაძე ინტერვიუებში ამბობს, რომ ოჯახის დანგრევამ მასზე იმოქმედა და ამ თემაზე საუბარი უჭირდა. მისი თქმით, განსაკუთრებულად ამ თემამ მის ოჯახზე იმოქმედა და ამის გამო მშობლებს საჯაროდ ბოდიშსაც უხდის.

დღეს წყვილის მეოთხე შვილი იუბილარია. ანასტასია 5 წლის გახდა. როგორც ირკვევა იუბილე ტორტითა და მულტფილმის გმირების მოწვევით აღნიშნეს. ფოტოები სოციალურ ქსელში თაკო ტაბატაძემ გაავრცელა.

მილოცვის ტექსტი გამოაქვეყნა გია ბაღაშვილმა სოციალურ ქსელში.

"მამიკოს გამხარებელი, ჩემი მეოთხე გოგონა, ანასტასია 5 წლის გახდა! გილოცავ მამიკო! ბედნიერი, ჯანმრთელი და გახარებული მყავდე!" - წერს ბაღაშვილი.