"მდგომარეობა კრიტიკულია, მართვით სუნთქვაზეა" - რას აცხადებს ლევან რატიანი მამუკა ონაშვილის ჯანმრთელობის მდგომარეობის შესახებ
მომღერალ მამუკა ონაშვილის ჯანმრთელობის მდგომარეობა კრიტიკულია. ამის შესახებ პირველი საუნივერსიტეტო კლინიკის ხელმძღვანელმა ლევან რატიანმა ambebi.ge -ს განუცხადა.
"პაციენტის მდგომარეობა კრიტიკულია... მართვით სუნთქვაზეა და აღინიშნება ჰემოდინამიკის რღვევა" - გვითხრა ლევან რატიანმა.
მამუკა ონაშვილი წუხელ ნატახტართან ავარიაში მოყვა. ჩვენი ინფორმაციით, ერთმანეთს ორი ავტომობილი შეეჯახა. ავტოსაგზაო შეთხვვის შედეგად სულ სამი ადამიანი დაშადა, მათ შორის მამუკა ონაშვილი, რომელიც საჭეს არ მართავდა. გარდაიცვალა ერთი პირი იმ ავტომობილიდან, რომელშიც მომღერალი არ იჯდა.
როგორც შსს-ს ში განგვიცხადეს, საქმე სსკ-ის 276-3 მუხლით არის აღძრული.