"მამა ნახევარი საუკუნეა სიკეთეს თესავს... თუ იგივეს, ან იმის ნახევარს მაინც შევძლებ, რაც მან, ჩავთვლი რომ სწორად მიცხოვრია'" - როგორ ულოცავს მელია მამას იუბილეს?

"ნაციონალური მოძრაობის" ლიდერი ნიკა მელია მამას, ექიმ ანზოს მელიას 75 წლის იუბილეს ულოცავს და ემოციურ ტექსტს "ფეისბუქზე" ავრცელებს:

"მამა უკვე 75 წლისაა და მინდა ის ვუსურვო, რასაც სხვისას დარაჯობს აგერ უკვე ნახევარი საკუკუნეა - ჯანმრთელობა და დიდხანს სიცოცხლე. განვლილი 75 წლიდან მამამ ნახევარი საუკუნე ხალხზე ზრუნვას, ხალხის სამსახურს შეალია - მათ ჯანმრთელობასა და სიცოცხლეს უდგას დარაჯად.

ნახევარი საუკუნეა სიკეთეს თესავს, რომელსაც იმკის თავადაც და რომელსაც ვიმკით ჩვენ, მისი შვილებიც - მისი სახელი და ნაკეთები სიკეთეები გვხვდება ყოველ ფეხის ნაბიჯზე. თუ იგივეს, ან იმის ნახევარს მაინც შევძლებ ამ ცხოვრებაში, რაც მამამ შეძლო, ჩავთვლი რომ სწორად მიცხოვრია და ფუჭად არ გამიფლანგავს დრო და ენერგია..." - წერს მელია.