"ცხინვალი - ოკუპანტებს გალიებში უწყლოდ გამოკეტილი ჰყავთ ქართველები, თავად კი გერგიევის კონცერტზე ზეიმობენ" - რუსული აგრესიის ამსახველი ერთ-ერთი ყველაზე მძიმე კადრი
2008 წლის აგვისტოს ომის დაწყებიდან დღეს 14 წელი გავიდა. სოციალურ ქსელში დღეს ყველა იხსენებს გადატანილ უმძიმეს დღეებს. საერთაშორისო ურთიერთობების სპეციალისტი, GIPA-ს პროფესორი გიორგი კობერიძე ომის დასრულების შემდეგ ცხინვალში განვითარებული მოვლენების ამსახველ ფოტოს ავრცელებს და წერს.
"რუსეთის აგრესიის ერთ-ერთი ყველაზე მძიმე ფოტო: ქალაქი ცხინვალი. [ახლო რაკურსით] ოკუპანტებსა და ბანდფორმირებებს გალიებში უწყლოდ და საკვების გარეშე გამოკეტილები ჰყავთ ქართული სოფლების გადარჩენილი მოსახლეობა,
თავად კი ვალერი გერგიევის კონცერტზე ზეიმობენ [უკანა ფონი, შორეული რაკურსით]", - წერს კობერიძე.