"თუ საშუალებას მივცემთ დიდ ქვეყანას დააბულინგოს პატარა ქვეყანა, ამით სეზონი გაიხსნება არა მხოლოდ ევროპაში, არამედ მთელ მსოფლიოში" - ენტონი ბლინკენი
ამერიკის შეერთებული შტატების სახელმწიფო მდივნის ენტონი ბლინკენის განცხადებით, თუ რუსეთს მიეცემა უკრაინის ბულინგის, უკრაინაში შეჭრისა და ტერიტორიების მითვისების უფლება, წინააღმდეგობის გაწევის გარეშე, ამით „სეზონი გახსნილი“ იქნება მთელი მსოფლიოს მასშტაბით.
ამის შესახებ ამერიკის პირველმა დიპლომატმა სამხრეთ აფრიკის რესპუბლიკის საგარეო საქმეთა მინისტრთან ნალედი პანდორთან გამართულ ერთობლივ პრესკონფერენციაზე განაცხადა.
"თუ ჩვენ საშუალებას მივცემთ დიდ ქვეყანას დააბულინგოს პატარა ქვეყანა, მარტივად შეიჭრას მასში და მიითვისოს მისი ტერიტორიები, ამით სეზონი გაიხსნება არა მხოლოდ ევროპაში, არამედ მთელ მსოფლიოში“, - განაცხადა ბლინკენმა.
ბლინკენის თქმით, ამერიკის შეერთებულმა შტატებმა იგრძნო, რომ მნიშვნელოვანი იყო რუსეთისთვის წინააღმდეგობის გაწევა, რადგან მისი აგრესია უკრაინის წინააღმდეგ საფრთხეს უქმნიდა საერთაშორისო სისტემის ფუნდამენტურ პრინციპებს.