კიმ კარდაშიანის ყოფილების დაპირისპირების ახალი რაუნდი - ქანიე უესთის მხრიდან ონლაინ ბულინგის გამო პიტ დევიდსონს თერაპია დასჭირდა
ვარსკვლავური სამკუთხედის, ქანიე უესთის, კიმ კარდაშიანისა და პიტ დევიდსონის დაპირისპირების საგა გრძელდება. რეპერ ქანიე უესტთან დაშორების შემდეგ, რეალითი შოუების ვარსკვლავი კიმ კარდაშიანი კომიკოსს, 28 წლის პიტ დევიდსონს ხვდებოდა. პიტი ერთ-ერთ ბოლო ინტერვიუში ამბობდა, რომ კიმზე დაქორწინებას გეგმავდა, თუმცა რამდენიმე დღეში ცნობილი გახდა, რომ წყვილი ერთმანეთს დაშორდა.
იმ პერიოდის განმავლობაში, როცა პიტსა და კიმს რომანი ჰქონდათ, კარდაშიანის ყოფილი ქმარი ქანიე უესტი სოციალურ ქსელში გამუდმებით აქვეყნებდა პოსტებს დევიდსონის შესახებ, სადაც პიტი დამცირებულად იყო წარმოჩენილი. მიზეზი ისაა, რომ ქანიე ოჯახის დანგრევაში სწორედ კომიკოსს ადანაშაულებდა.
- როგორც გაირკვა პიტისთვის ეს არ ყოფილა მარტივად ასატანი და ყოველივეს გამო, ფსიქოლოგის დახმარება და სპეციალური თერაპია დასჭირდა. ამის შესახებ გამოცემა People წყაროზე დაყრდნობით წერს.
წყაროს ინფორმაციით, ქანიე უესთის მხრიდან ბულინგმა კომიკოსს უმძიმესი ფსიქოლოგიური დარტყმა მიაყენა და სერიოზული ტრავმა დაუტოვა. მიუხედავად ამისა, წყაროს თქმით, პიტი არ ნანობს კიმთან ურთიერთობას და ამბობს, რომ ყოველთვის მისი მხარდამჭერი იქნება. ასევე, როგორც მედია წერს, მათი დაშორების მიზეზი გადატვირთული სამუშაო გრაფიკი გახდა და არა ის ფსიქოლოგიური ტრავმა, რომელიც დევიდსონმა ქანიე უესთისგან მიიღო.
- აღსანიშნავია, რომ როდესაც კიმი თავის ბოიფრენდს დაშორდა, ქანიემ ეს ამბავიც არ დატოვა უყურადღებოდ და "ინსტაგრამზე" გამოაქვეყნა პოსტი ასეთი წარწერით "სკიტ დევიდსონი 28 წლის ასაკში გარდაიცვალა“. მოგვიანებით რეპერმა პოსტი წაშალა.
ცნობისთვის, რეპერი ქანიე უესთი კიმ კარდაშიანთან დაშორებას ვერ ეგუება და მას გამუდმებით აქვს მცდელობა, რომ ყოფილ ცოლს შეურიგდეს. უგზავნის ათასობით ვარდს, სხვადასხვა საჩუქარს და ასევე, ამბობს, რომ ღმერთს მათი ერთად ყოფნა სურთ. "ღმერთის ძალით, ჩვენ კვლავ ერთად ვიქნებით", - წერდა რეპერი სოციალურ ქსელში.