"შეხსენება, თუ რა ზეგავლენა შეიძლება მოახდინოს მზის სხივებმა კანზე - კანის დაბერების პროცესის დაჩქარებ, ფანჯრის მინიდანაც კი..." - რას წერს ზაზა თელია?
დერმატოლოგი ზაზა თელია მზის სხივების მავნებლობაზე სოციალურ ქსელში პოსტს წერს. თელია საილუტრაციოდ მძღოლის ფოტოს აქვეყნებს, რომელიც 20 წლის განმავლობაში სატვირთო ავტომობილს მართავდა, რა დროსაც მისი სახის მარცხენა ნაწილი განიცდიდა მზის ულტრაიისფერი სხივებით სისტემატიურ დასხივებას.
ზაზა თელია:
"კიდევ ერთხელ შეხსენება, იმისათვის რომ გავითავისოთ, თუ რა ზეგავლენა შეიძლება მოახდინოს მზის სხივებმა კანზე
მზის დაზიანება, კანის დრამატული დაბერება, დაბერების პროცესის დაჩქარება - ფანჯრის მინიდანაც კი...
სურათზე წარმოდგენილია ბატონი, რომელიც 20 წლის განმავლობაში მუშაობდა სატვირთო (გადამზიდი) ავტომობილის მძღოლად, რა დროსაც მისი სახის მარცხენა ნაწილი განიცდიდა მზის ულტრაიისფერი სხივებით სისტემატიურ დასხივებას
(Photo from - New England Journal of Medicine (2012)
გამოიყენეთ მზის დამცავი ყოველდღიურად, განმეორებით გამოიყენეთ ყოველ 2 საათში, ასევე ყოველი ცურვის, კანის დასველების და გაოფლიანების შემდეგ..."