შონ კონერის 93 წლის ქვრივის ფოტოსესია, შვილიშვილთან ერთად - "მშვენივრად გამოიყურება, ალბათ თავის დროზე ისიც შვილიშვილივით ლამაზმანი იყო“

შონ კონერის ქვრივი მიშელინ როქბრუნი ამტკიცებს, რომ 93 წლის ასაკშიც კი შესაძლებელია მიმზიდველად გამოიყურებოდეს ადამიანი. მიშელინი, რომელიც მსახიობზე 1975 წელს დაქორწინდა, ფოტოებზე ბიკინიში გამოწყობილი პოზირებს შვილიშვილ სასკიასთან ერთად.

ბებია და შვილიშვილი ბაჰამის კუნძულებზე ისვენებენ, სადაც კონერი და როქბრუნი მსახიობის გარდაცვალებამდე (2020 წლამდე) ცხოვრობდნენ. იახტაზე გადაღებული საზაფხულო ფოტოები თავად სასკიამ გაავრცელა. გოგონამ ფოტოები "ინსტაგრამზე" ატვირთა, სადაც მას 21 000 გამომწერი ჰყავს.

93 წლის მიშელინ როქბრუნის თამამ ფოტოებს დიდი გამოხმაურება მოჰყვა:

"93 წლისთვის რა გადასარევი სხეულია, არაჩვეულებრივად გამოიყურება“, "მთელი ინტერნეტი გადარია“, "უნდა ვაღიარო, რომ 90 წელს გადაცილებული ადამიანის კვალობაზე მშვენივრად გამოიყურება, ალბათ თავის დროზე ისიც შვილიშვილივით ლამაზმანი იყო“, - წერენ შოკირებული ფანები კომენტარებში.

როქბრუნისთვის კონერისთან ქორწილი რიგით მესამე იყო, თავად მსახიობისთვის კი - მეორე. წყვილი ნიუ-პროვიდენსში, ბაჰამის კუნძულებზე ცხოვრობდა, ვიდრე სერ შონი გარდაიცვლებოდა.

წყარო: nypost

მოამზადა: ანა სიბოშვილმა