"კომპრომისებს“კაცობრიობისთვის კატასტროფული შედეგები მოჰყვება" - მიხაილო პოდოლიაკი
უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი ომის დასრულების გზას ასახელებს.
"ომის დასრულების ერთადერთი გზა არსებობს : რუსეთის სამხედრო დამარცხება, უკრაინისთვის ტერიტორიების დაბრუნება, დამნაშავეებისთვის ტრიბუნალის მოწყობა, რუსეთის ტრანსფორმაციის დაწყება“, - წერს პოდოლიაკი „ტვიტერზე“.
მისი თქმით, ომის დასასრულებლად გამარჯვების სურვილი ისევეა საჭირო, როგორც იარაღი.
„ომის დასასრულებლად გამარჯვების სურვილი ისეთივე საჭიროა, როგორც იარაღი - „კომპრომისებს“კაცობრიობისთვის კატასტროფული შედეგები მოჰყვება“, - აცხადებს პოდოლიაკი.