სტუდია "თელას" დამფუძნებელი თენგიზ გაჩეჩილაძე გარდაიცვალა
სტუდია "თელას" დამფუძნებელი თენგიზ გაჩეჩილაძე გარდაიცვალა. ამის შესახებ ინფორმაციას სტუდია "თელა“ "ფეისბუქგვერდზე" ავრცელებს.
"სტუდია "თელა" დიდი გულისტკივილით გატყობინებთ, რომ გარდაიცვალა სტუდიის დამფუძნებელი და საქართველოში სპორტ-ცეკვების დამაარსებელი, პროფესორი, თენგიზ გაჩეჩილაძე. საქართველოს სპორტ-ცეკვების დამსახურებული და სახელოვანი პირველი პრეზიდენტი ჩვენი უსაყვარლესი პედაგოგი.
პანაშვიდები 3, 4 და 5 სექტემბერს 15:00-დან 20:00 საათამდე, მისამართზე - შანხაი, მედეა ჩახავას 11, 5 სართული. დაკრძალვა სამშაბათს, 6 სექტემბერს 15:00 საათზე“, - ნათქვამია გავრცელებულ ინფორმაციაში.
თენგიზ გაჩეჩილაძე ცნობილი ქორეოგრაფი გახლდათ, რომელმაც არაერთი ცნობილი მოცეკვავე აღზარდა და საქართველოში სამეჯლისო ცეკვების განვითარებასა და პოპულარიზაციაში, მეუღლესთან - ლარისა გაჩეჩილაძესთან ერთად, დიდი წვლილი მიუძღვის.