"ყინულმა დნობა დაიწყო..." - ჰარი და მეგანი უინძორების სასახლეში მივიდნენ: როგორ დახვდნენ მეამბოხე პრინცსა და მის მეუღლეს ადგილზე შეკრებილები? (ფოტო/ვიდეო)

პრინცები ჰარი და ულიამი, მათი ცოლები, მეგანი და ქეითი დედოფალ ელისაბედის სიკვდილმა ისევ გააერთიანათ. სამეფო სახლის წყაროები აცხადებენ, რომ ისტორიული შეხვედრა შედგა, მას შემდეგ, რაც უილიამმა მისი ძმა და ცოლი სასახლეში მიიწვია.

მეფე ჩარლზ III-ის ვაჟები, პრინცი უილიამი და ჰარი ცოლებთან ქეით მიდლტონთან და მეგან მარკლისთან ერთად, შავ ტანსაცმელში ჩაცმულები დღეს საღამოს უინძორის სასახლეში მივიდნენ. მანამდე კი გარეთ შეკრებილმა საზოგადოებამ დაინახა, როგორ გადმოვიდა ორივე წყვილი მანქანიდან და რამდენიმე წუთის განმავლობაში სასახლის კარიბჭის მიღმა დადებული ყვავილების ზღვა დაათვალიერეს.

უელსის პრინცსა და პრინცესას და სასექსის ჰერცოგსა და ჰერცოგინიას იქვე შეკრებილი თაყვანისმცემლები აპლოდისმენტებით შეხვდნენ. უცხოური მედია წერს, რომ ხალხმა დროებით გვერდზე გადადო მეგანის გამოწვევი განცხადებები, რამაც თავის დროზე სამეფო ოჯახის მყუდროება დაარღვია და მონარქია ყველაზე მძიმე, კრიზისულ მდგომარეობაში ჩააგდო.

კენსინგტონის სასახლის წყარო ამბობს, რომ უელსის პრინცმა სასექსელების დაპატიჟების გადაწყვეტილება დილას მიიღო. ჟურნალისტმა ომიდ სკობიმ მოგვიანებით Twitter-ზე განაცხადა, რომ მოწვევა "11 საათზე" გაკეთდა იმ მინიშნებით, რომ უილიამი მზადაა ჰარისა და მას შორის არსებული ყინული დაადნოს. "ეს, უდავოდ, მნიშვნელოვანი მომენტია ორ ძმას შორის ურთიერთობის ისტორიაში“ - ამბობს ჟურნალისტი.

ძმები ცოლებთან ერთად საზოგადოებაში ბოლოს 2020 წლის 9 მარტს, თანამეგობრობის დღის შემდეგ გამოჩნდნენ.

"ეს გაერთიანება შეიძლება დედოფლის სურვილი ყოფილიყო..." - ამბობს უცხოურ მედიასთან ერთ-ერთი წყარო...

ჰარიმ და მეგანმა, ორი წლის წინ სკანდალურად დატოვეს სამეფო კარი, რათა კალიფორნიაში დამოუკიდებლად ეცხოვრათ.

ნახეთ ვიდეოკადრები:

<blockquote class="twitter-tweet"><p lang="en" dir="ltr">Prince William and Princess Kate, the new Prince and Princess of Wales, and the Duke and Duchess of Sussex have arrived at Windsor to greet crowds of well-wishers outside Windsor Castle.<br><br>Latest: <a href="https://t.co/8AFWhoW82a">https://t.co/8AFWhoW82a</a><br><br>📺 Sky 501, Virgin 602, Freeview 233 and YouTube <a href="https://t.co/mseIu1SMU0">pic.twitter.com/mseIu1SMU0</a></p>&mdash; Sky News (@SkyNews) <a href="https://twitter.com/SkyNews/status/1568636422625677313?ref_src=twsrc%5Etfw">September 10, 2022</a></blockquote> <script async src="https://platform.twitter.com/widgets.js" charset="utf-8"></script>