"ჩვენ უნდა ვაღიაროთ დამარცხება ხარკოვის ოლქში..." - კრემლის პროპაგანდისტების რიტორიკა რადიკალურად იცვლება
კრემლის პროპაგანდისტის ვლადიმერ სალავიოვის გადაცემაში ხარკოვის რეგიონში რუსეთის მარცხი, ფაქტობრივად, აღიარეს. ბრძოლის შედეგებზე მსჯელობისას რეჟისორმა, კრემლის პროპაგნადისტმა კარენ შახნაზაროვმა განაცხადა, რომ რუსეთმა უნდა აღიაროს ხარკოვის რეგიონში უკრაინის დამარცხება.
მან სტუდიის სტუმრების დუმილის ფონზე განაცხადა, რომ თუ რუსეთის ფედერაცია არ გამოიტანს დასკვნებს მომხდარიდან, შემდეგი მარცხი კიდევ უფრო რთული იქნება.
მან მოუწოდა რუსებს, რეალურად შეხედონ ყველაფერს. მისი თქმით, უკრაინა ძალიან ძლიერი მოწინააღმდეგეა.
"ჩვენ უნდა ვაღიაროთ დამარცხება ხარკოვის რეგიონში, ეს უნდა ვაღიაროთ, რადგან დამარცხებას აქვს აზრი, როცა აღიარებ და დასკვნებს გამოიტან. ჩვენ რეალურად უნდა შევხედოთ ამ საკითხებს, ეს მართლაც რთული ვითარებაა. უნდა გვესმოდეს, რომ ძლიერ მტერს ვებრძვით“, - განაცხადა შახნაზაროვმა.
რეჟისორის განცხადებით, რუსულმა მხარემ უნდა გააცნობიეროს, რომ უკრაინელი ერი არსებობს და მათ ანექსიის ნაცვლად, "გათავისუფლებულ ტერიტორიებზე ალტერნატიული უკრაინა უნდა შესთავაზოს“. მისი თქმით, "უკრაინის ომში რუსეთის მხრიდან ღარიბი მოსახლეობა მონაწილეობს, რომლის მთავარი მოტივაციაც ფულია".
ომის დაწყებიდან ექვსი თვის შემდეგ, რუსი პროპაგანდისტების რიტორიკა რადიკალურად შეიცვალა, თუ ომის დასაწყისში ისინი კიევის უსწრაფეს აღებაზე ლაპარაკობდნენ, დღეს ისინი უკრაინის კონტშეტევის მასშტაბურობით და მიღებული ზარალით შოკში არიან.