"ვარკეთილში ქირით ვცხოვრობ, მაქვს 31-ე ქარხნის გამათბობელი, წამობრძანდით ჩემს სახლში და თუ რაიმე ფულს იპოვით ან ძვირად ღირებულს, მზად ვარ გაგიყოთ" - ლევან ხაბეიშვილი

ვარკეთილში ვცხოვრობ ქირით და მაქვს 31- ე ქარხნის გამათბობელი, წამობრძანდით ჩემს სახლში და თუ რაიმე ფულს იპოვით ან ძვირად ღირებულს მიაგნებთ, მზად ვარ გაგიყოთ,- ასე პასუხობს "ნაციონალური მოძრაობის" დეპუტატი ლევან ხაბეიშვილი ჟურნალისტის კითხვას, რამდენს უხდის მას დავით კეზერაშვილი.

მისი თქმით, ბრალდებები, რომ "ფულზე გაიყიდა", სასაცილოა და უხერხული.

"მე დეკლარაციას ვავსებ და შეგიძლიათ გადახედოთ, ხაბეიშვილს არანაირი უძრავი ქონება არ გააჩნია, მოძრავი ქონება მაქვს მხოლოდ ერთი - ეს არის ავტომობილი და სხვა არანაირი ქონებები არ გამაჩნია, ვცხოვრობ ვარკეთილში ქირით და მაქვს 31- ე ქარხნის გამათბობელი. წამობრძანდით ჩემს სახლში და თუ რაიმე ფულს იპოვით, ერთად გავიყოთ, თუ რაიმე ძვირად ღირებულს მიაგნებთ, მზად ვარ გაგიყოთ," - გამაცხადა ხაბეიშვილმა.

ის ასევე გამოეხმაურა ხატია დეკანოიძის განცხადებას, რომ ყველამ გაასაჯაროვოს შემოსავლები, ვინც ივანიშვილს ებრძვის და სხვებთან აქვს პრეტენზია და აღნიშნა, რომ თავადაც საჯაროობის და გამჭვირვალობის მომხრეა.

კითხვაზე, რას უკავშირდება დეკანოიძის ეს განცხადება, ხაბეიშვილი ამბობს, რომ არ იცის.