ავტორი:

"ბოლო ორი წელი ვიყავი მძიმე დეპრესიაში... სტრესის ფონზე დამემართა ჩიყვი, რამაც გამოიწვია ჩემი წონაში სერიოზულად მომატება" - რას წერს ნინი შერმადინი "ფეისბუქზე"?

"ბოლო ორი წელი ვიყავი მძიმე დეპრესიაში... სტრესის ფონზე დამემართა ჩიყვი, რამაც გამოიწვია ჩემი წონაში სერიოზულად მომატება" - რას წერს ნინი შერმადინი "ფეისბუქზე"?

ქართველი მომღერალი ნინი შერმადინი ამერიკიდან ცოტა ხნის წინ დაბრუნდა. 2020 წელი უმძიმესი აღმოჩნდა ნინი შერმადინის ცხოვრებაში. მომღერალს აპრილში მამა დაეღუპა, დეკემბერში დედა. შერმადინი წლებია, რაც ამერიკაში ცხოვრობს. მისი გოგონა, მარიამი ბებია-ბაბუასთან იზრდებოდა. მშობლების გარდაცვალების შემდეგ გოგონა ნინიმ ამერიკაში წაიყვანა. ისინი საქართველოში რამდენიმე თვის წინ დაბრუნდნენ.

ცოტა ხნის წინ ნინიმ სოციალურ ქსელში ვიდეომიმართვა გამოაქვეყნა, რომელსაც უამრავი გამოხმაურება მოჰყვა. როგორც მომღერალი წერს, მისთვის თვალშისაცემი იყო კომენტარები, სადაც მის წონას უსვამდნენ ხაზს:

"მოკლედ მეგობრებო ამ ბოლო ვიდეოებზე უამრავი კომენტარი მომდის თუ როგორ გავსუქებულვარ, კუპატი, უი უი როგორ გასუქებულა და ასე შემდეგ კომენტარები, ზოგიც ამერიკულ ფასტ ფუდს მაბრალებს და ა.შ. ბოლო ორი წლის განმავლობაში ალბათ ერთი წისქვილის ქვა არ მობრუნდა ჩემს კისერზე, თორე დანარჩენი ყველაფერი მოხდა. ვიყავი ძალიან მძიმე დეპრესიაში, რაც რა თქმა უნდა თქვენთვის არ მიგრძნობინებია მყავდა ფსიქიატრი და ვიყავი ანტიდეპრესანტებზე გარკვეული პერიოდი.

სტრესის ფონზე დამემართა ჩიყვი. ანუ ფარისებრის პრობლემა რამაც გამოიწვია ჩემი წონაში სერიოზულად მომატება. პლიუს ინსულინის რეზისტენცია სისხლში. დავიწყე მკურნალობა და იმედია ისევ მალე ჩავდგები ფორმაში. დიდი მადლობა რომ მგულშემატკივრობთ პ.ს ზედმეტი კილოგრამებითაც შეიძლება ადამიანი ლამაზი და კარგი იყოს ჩემი მხარდაჭერა პუტკუნებს! Have a nice day guys Stay positive and positive things will happen" - წერს შერმადინი.