ლაშა ბექაური მსოფლიოს ჩემპიონატში მონაწილეობას მიიღებს
ტატო გრიგალაშვილმა (-81 კგ) მსოფლიოს ჩემპიონობა მოიპოვა და ძიუდოს ქართველი გულშემატკივრები გახარებულები არიან. ამავდროულად, სამწუხარო ამბავიც გავრცელდა, რომელიც, საბედნიეროდ, არ დადასტურდა. ძიუდოს საერთაშორისო ფედერაციის ოფიციალურ გვერდზე (IJF) ლაშა ბექაურის (-90) 10 ოქტომბრის განრიგი გადაშლილი იყო, რასაც ქართულ სპორტულ გვერდებზე იმით ხსნიდნენ, რომ ოლიმპიურმა ჩემპიონმა წონა ვერ ჩააბარა.
Sportall.ge-ის ექსკლუზიური ინფორმაციით, გაუგებრობა აღმოფხვრილია და ბექაური ტურნირზე მონაწილეობას შეძლებს. 10 ოქტომბერს, -90 კგ. წონით კატეგორიაში ლაშა გუჯეჯიანის გუნდიდან ლუკა მაისურაძესაც ვიხილავთ.