მეგან მარკლისა და პრინც ჰარის მეზობლად ცხოვრება არავის სურს - წყვილის გარშემო კვლავ სკანდალია

კალიფორნიის Ranch Hope-ის პრესტიჟული უბანი მას შემდეგაა ქაოსში, რაც ხმა გავრცელდა, რომ ბუკინგემის სასახლიდან "გახიზნულმა", მეგან მარკლისა და პრინც ჰარის წყვილმა აქ სახლი შეიძინა.

• ბევრი ფიქრობს, რომ მდიდარი და ცნობილი მეზობლები სასურველია, თუმცა როცა საქმე მეგანსა და ჰარის ეხება, შესაძლოა, ყველაფერი სხვაგვარად იყოს.

მედიის ინფორმაციით, მეზობლების დამოკიდებულება იმდენად უარყოფითია, რომ წყვილს მანამ აიძულებენ იქ გადასვლაზე უარის თქმას, სანამ თავიანთი ნივთების ახალ საცხოვრებელში გადატანას დაიწყებენ.

გავრცელებული ინფორმაციით, მეგანის და ჰარის ახალი სახლი მათი მონტესიტოს 9-საძინებლიანი და 19 სააბაზანოთი აღჭურვილი სასახლიდან 10 კილომეტრის მოშორებითაა.

ერთ-ერთი იქაური მაცხოვრებლის თქმით, ისინი Netflix-ის სერიალის ექსტრა მსახიობები არ არიან და ამ უბანში წყნარად ცხოვრება სურთ. მეზობლები თვლიან, რომ სამეფო წყვილის იქ გადასვლით სიმყუდროვე დაერღვევათ.

Hope Ranch კალიფორნიის ერთ-ერთი ყველაზე მდიდრული ადგილია, მაგრამ ეს ვერ აზღვევს აქ მაცხოვრებლებს იმ აურზაურისგან, რაც შესაძლოა, სასექსელების აქ გადასვლას მოჰყვეს.

ეს ამ პრესტიჟული ადგილის მაცხოვრებლებმა კარგად იციან და წყაროს ცნობით, უბანზე ზრუნვით დაკავებული კომპანია უკვე ვეღარ აუდის საჩივრებს, მიუხედავად იმისა, რომ წყვილი ჯერ სახლში არ გადასულა.

წყარო: spectator

მოამზადა: ანა სიბოშვილმა