”სიბინძურე, სიბინძურე, უსახლკარო ხალხი, ბომჟები, გიჟები... იქ ყველაფერი არც ისე თანამედროვეა" - თინა კანდელაკი ნიუ - იორკზე წერს
კრემლის პროპაგანდისტმა, რუსეთში მცხოვრებმა ქართული წარმომავლობის ტელეწამყვანმა თინა კანდელაკმა "ტელეგრამზე" მორიგი პოსტი გამოაქვეყნა, სადაც წერს, რომ ნიუ-იორკელმა მეგობარმა ამერიკული შთაბეჭდილებები გაუზიარა.
"ახალი ამბები ნიუ იორკიდან მეგობრისგან: ”სიბინძურე, სიბინძურე, უსახლკარო ხალხი, ბომჟები, გიჟები, სიცივე და რაც მთავარია, ცივილიზაციის ჩამორჩენილი სამყარო, იქ ყველაფერი არც ისე თანამედროვეა, ისეთი შეგრძნება მაქვს, რომ 2010 წლის მოსკოვში ჩამოვედი", - წერს კანდელაკი "ტელეგრამის" არხზე.
ცნობისთვის, გადაცემა "ყველაზე ჭკვიანის" ყოფილი წამყვანი თინა კანდელაკი 2015 წლის ივლისიდან ტელეკომპანია Match TV-ის გენერალურ პროდიუსერად მუშაობს.
2021 წლის სექტემბრიდან იგი "გაზპრომ-მედია ჰოლდინგის" აღმასრულებელი დირექტორის მოადგილე გახდა, რომელიც ფლობს სპორტული არხების ჯგუფს.