ბელარუსში "კონტრტერორისტული ოპერაციის რეჟიმი" შემოიღეს

ბელარუსის საგარეო საქმეთა მინისტრის, ვლადიმერ მაკეის განცხადებით, ქვეყანაში შემოიღეს კონტრტერორისტული ოპერაციის რეჟიმი, რომლის ფარგლებშიც, გარე საზღვრებზე კონტროლი გაძლიერდა.

• "ქვეყნის მიმდებარე ტერიტორიაზე შესაძლო პროვოკაციების შესახებ მიღებული ინფორმაციის საფუძველზე გადაწყდა ე.წ. კონტრტერორისტული ოპერაციის რეჟიმის შემოღება. ამ რეჟიმის ფარგლებში სიტუაციის კონტროლი და გარე საზღვრების კონტროლი გაძლიერდა“, - განაცხადა ვლადიმერ მაკეიმ.

მანამდე მან გამოცემა Izvestia-სთან საუბარში განაცხადა, რომ ბელარუსში, მეზობელი ქვეყნებიდან მოსალოდნელი საფრთხის გამო, "კონტრტერორისტული ოპერაციის“ რეჟიმი წესდება.

"არსებობდა ინფორმაცია, რომ ზოგიერთი მეზობელი სახელმწიფოს მხრიდან იგეგმებოდა პროვოკაციები, რაც დაკავშირებულია ბელარუსის ტერიტორიების ნაწილის დაკავების საფრთხესთან”, - განაცხადა ბელარუსის საგარეო უწყების ხელმძღვანელმა.