ხარკოვში საგანგებო სიტუაციების სამსახურის თანამშრომლების ავტომობილი ნაღმზე აფეთქდა - დაიღუპა 2 და დაშავდა - 4 ადამიანი
ხარკოვის ოლქში ავტომობილი, რომელშიც უკრაინის საგანგებო სიტუაციების სახელმწიფო სამსახურის თანამშრომლები ისხდნენ, ნაღმზე აფეთქდა, - ამის შესახებ ხარკოვის რეგიონალური სამხედრო ადმინისტრაციის ხელმძღვანელი, ოლეგ სინეგუბოვი იუწყება.
მისი თქმით, შემთხვევის შედეგად ორი ადამიანი დაიღუპა, ოთხი კი - დაშავდა.
"იზიუმის რაიონში, ავტომობილი, რომელშიც უკრაინის საგანგებო სიტუაციების სახელმწიფო სამსახურის თანამშრომლები ისხდნენ, ნაღმზე აფეთქდა. სამწუხაროდ, 2 ადამიანი დაიღუპა, 4 - დაშავდა", - განაცხადა სინეგუბოვმა.
მისი თქმით, ოლქში ნაღმების საშიშროების დონე კვლავ ძალიან მაღალია და საგანგებო სიტუაციების სახელმწიფო სამსახურის თანამშრომლები გათავისუფლებული ტერიტორიების გაწმენდას განაგრძობენ.