"აქტივების ბლოკირება, შეზღუდვა სავაჭრო ოპერაციებსა და უკრაინიდან კაპიტალის გატანაზე..." - რა სანქციები დაუწესა უკრაინამ ბიძინა ივანიშვილის ძმას?

უკრაინამ ბიძინა ივანიშვილის გარემოცვის წარმომადგენლებს სანქციები დაუწესა. ამის შესახებ უკრაინის პრეზიდენტი, ვოლოდიმირ ზელენსკის მიერ ხელმოწერილი ბრძანება გამოქვეყნდა.

სანქცირებულთა სიაში არის ბიძინა ივანიშვილის ძმა აალექსანდრე ივანიშვილი. სანქციები მოიცავს:

აქტივების ბლოკირებას, რაც გულისხმობს ფიზიკური ან იურიდიული პირის კუთვნილი აქტივების გამოყენებისა და განკარგვის უფლების დროებით ჩამორთმევას, აგრეთვე იმ აქტივების ბლოკირებას, რომელთა განკარგვაც ამ პირს შეუძლია პირდაპირ, ან ირიბად (სხვა ფიზიკური ან იურიდიული პირის მეშვეობით) განახორციელოს.

სავაჭრო ოპერაციების შეზღუდვას.

უკრაინის ტერიტორიაზე რესურსების, ფრენების და ტრანსპორტირების ნაწილობრივ, ან სრულად შეწყვეტას.

უკრაინიდან კაპიტალის გატანის შეზღუდვას", - ნათქვამია გამოქვეყნებულ ინფორმაციაში.

• ცნობისთვის, უკრაინის მიერ დასანქცირებულ პირთა სიაში ბიძინა ივანიშვილის გარემოცვის 4 წევრი მოხვდა. კერძოდ, უკრაინამ სანქციები დაუწესა ბიძინა ივანიშვილის ძმას, ალექსანდრე ივანიშვილს და მის მეუღლეს, ქეთევან ხარაიძეს, დეიდაშვილს უჩა მამაცაშვილს და მის შვილს - ტიტე მამაცაშვილს. შესაბამისი განკარგულება უკრაინის პრეზიდენტის ოფიციალურ საიტზე გამოქვეყნდა.

სანქცირებულთა სიაში ასევე მოხვდა რამდენიმე ქართველი ბიზნესმენი, კერძოდ: დავით იაკობაშვილი, ალექსანდრე და გიორგი ჯაფარიძეები.

ნახეთ:

• უკრაინამ ბიძინა ივანიშვილის გარემოცვას სანქციები დაუწესა - ვინ მოხვდა სიაში - ზელენსკის გადაწყვეტილების დეტალები