ლიზ ტრასი - პოლიტიკოსი, რომელმაც დიდი ბრიტანეთის ისტორიაში პრემიერ-მინისტრის თანამდებობაზე  ყველაზე მცირე დროით - 45 დღე იმუშავა

ლიზ ტრასი დიდი ბრიტანეთის ისტორიაში გახდა პრემიერი, რომელმაც ამ თანამდებობაზე ყველაზე მცირე პერიოდით - 45 დღე იმუშავა

• მეორე ადგილზე ამ მხრივ ჯორჯ კენინგია, რომელიც 119 დღის განმავლობაში მუშაობდა პრემიერ-მინისტრის თანამდებობაზე.

ცნობისთვის, ტრასმა დიდი ბრიტანეთის პრემიერ-მინისტრის თანამდებობიდან გადადგომის შესახებ განაცხადა. მისი თქმით, ის თანამდებობაზე მოვიდა "დიდი ეკონომიკური და საერთაშორისო არასტაბილურობის დროს."

"ვაღიარებ... მოცემულ სიტუაციაში არ შემიძლია მივიღო მანდატი, რომელიც კონსერვატიულმა პარტიამ არჩევის დროს მომცა“, - განაცხადა ლიზ ტრასმა.

47 წლის ტრასმა 5 სექტემბერს გაიმარჯვა მმართველი კონსერვატიული პარტიის კენჭისყრაში. ამომრჩეველთა აქტივობამ 82.6% შეადგინა. ჯამში კი 172 437 მოქალაქემ მისცა ხმა. ლიზ ტრასმა 81 326, ხოლო ყოფილმა ფინანსთა მინისტრმა კი 60 399 ხმა მიიღო. ტრასი, რომელიც ჯონსონის ადმინისტრაციაში საგარეო საქმეთა მინისტრი იყო, გახდა ბრიტანეთის მესამე ქალი პრემიერი - ტერეზა მეისა და მარგარეტ თეტჩერის შემდეგ.