"მზად ვართ, ვიყოთ ქართველი ხალხის და მთავრობის პარტნიორი მაშინ, როდესაც ისინი ამას ცდილობენ" - ნედ პრაისი
ვფიქრობთ, რომ ზოგიერთი ქმედება, ზოგიერთი რიტორიკა ქართველი ხალხის ინტერესების საწინააღმდეგოდ მუშაობს, - ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა, რითაც მან უპასუხა შეკითხვას, ფიქრობს თუ არა, რომ საქართველოში არსებული ვითარება ძირს უთხრის აშშ-ის ინტერესს რეგიონში, განსაკუთრებით თებერვალში დაწყებული ომის ფონზე,
"ვფიქრობთ, რომ ზოგიერთი ქმედება, ზოგიერთი რიტორიკა ქართველი ხალხის ინტერესების საწინააღმდეგოდ მუშაობს. ეს არის ის, რაც ყველაზე მეტად გვაშფოთებს, როდესაც საქმე საქართველოს და მის მიერ არჩეულ გზას, ევროატლანტიკური ინტეგრაციასა და ევროკავშირისკენ სწრაფვას ეხება. ჩვენ გვსურს, ვიხილოთ საქართველოს წინსვლა ამ გზაზე. ჩვენ მზად ვართ, გავაგრძელოთ, ვიყოთ ქართველის ხალხის, ქართველი საზოგადოებისა და საქართველოს მთავრობის პარტნიორი მაშინ, როდესაც ისინი ამას ცდილობენ“, – განაცხადა ნედ პრაისმა.