ავტორი:

"რა არის ახლა ეს?" - ეკატერინე ტიკარაძე მეუღლესთან ერთად: როგორ ცხოვრობს ექსმინისტრი თანამდებობიდან წასვლის შემდეგ და შეიცვალა თუ არა მისი ქონებრივი დეკლარაცია?

"რა არის ახლა ეს?" - ეკატერინე ტიკარაძე მეუღლესთან ერთად: როგორ ცხოვრობს ექსმინისტრი თანამდებობიდან წასვლის შემდეგ და შეიცვალა თუ არა მისი ქონებრივი დეკლარაცია?

2021 წლის 9 დეკემბერს "ქართული ოცნების" ოფისში, მოულოდნელად დანიშნულ ბრიფინგზე, ჟურნალისტების წინაშე ეკატერინე ტიკარაძე სრულიად მარტო, თანაგუნდელებისა და თანაპარტიელების გარეშე წარსდგა. მაშინდელმა ჯანდაცვის მინისტრმა, მინისტრობის 30 თვის თავზე განაცხადა, რომ თანამდებობას ტოვებდა.

ეკატერინე ტიკარაძე იყო ახალდანიშნული ჯანდაცვის მინისტრი, რომელსაც ყველაზე რთულ დროს, პანდემიისას მოუწია მუშაობა. ის ყოველდღიურად იყო ყურადღების ცენტრში. განიხილავდნენ მის ვარცხნილობას, ჩაცმულობას. აფასებდნენ მის პროფესიულ ნაბიჯებსა და გადაწყვეტილებებს, რომლის მიღებაც პანდემიის პირობებში უწევდა.

იყო უამრავი კრიტიკა... ის გამყრელიძე-იმნაძე-ცერცვაძესთან ერთად მართავდა ბრიფინგებს, დადიოდა კოვიდ კლინიკებში და კიდევ ერთი სკანდალი მისი ვაქცინაცია იყო... ერთჯერადად აცრილ ტიკარაძეს მალე კოვიდი შეხვდა და მეორე დოზა აღარ გაუკეთებია. აბრალებდნენ ანტივაქსერობას და ყოველდღიურად ელოდნენ მის გადადგომას.

თუმცა ბიძინა ივანიშვილის ოჯახთან დაახლოებულმა ტიკარაძემ 30 თვე გაძლო თანამდებობაზე...

რომ არა პანდემია, შესაძლოა, ტიკარაძე დღესაც ყოფილიყო მინისტრი ან პირიქით, უფრო ადრე დაეტოვებინა თანამდებობა. შესაძლოა, მისი პირადი ცხოვრებითაც არ დაინტერესებულიყო მედია.

ახლა შევეცდებით, გავარკვიოთ, როგორ ცხოვრობს გადამდგარი მინისტრი და რა სიახლეებია მის ცხოვრებაში.

თანამდებობიდან წასვლის შემდეგ, ეკატერინე ტიკარაძე მედიაში აღარ ჩნდება. მართალია, მაშინ განაცხადა, რომ ის "ქართული ოცნების" გუნდში რჩებოდა, მაგრამ პარტიის მნიშვნელოვანი გადაწყვეტილებების ან ბრიფინგების დროს, ის არსად ჩანს...

თანამდებობიდან წასვლიდან რვა თვეში ტიკარაძემ, როგორც ყოფილმა მინისტრმა ქონებრივი დეკლარაცია შეავსო, რომელშიც თითქმის არაფერი შეცვლილა.

მეუღლე, ბიძინა კაკაბაძე ფლობს მიწის ნაკვეთს ცხვარიჭამიაში, რომელიც 2016 წელს 10 000 ლარად შეიძინა. კაკაბაძე ცნობილია, როგორც ბაიკერი, ის ხშირად მოგზაურობს მოტოციკლით საქართველოს სხვადასხვა რეგიონებში.

ბიძინა კაკაბაძეს ჰყავს მსუბუქი ავტომანქანა mercedes G 300 D, რომელიც 2009 წელს 13 000 დოლარად შეიძინა და 2018 წელს შეძენილი მოტოციკლი BMW R100 RT, რომელშიც 7 ათასი დოლარი გადაიხადა. კიდევ ერთი მოტოციკლი BMW 2020 წელს 9000 დოლარად შეიძინა.

ეკატერინე ტიკარაძე უფროს შვილთან, დათასთან ერთად

კაკაბაძე რამდენიმე შპს-ს მეწილე და ასევე ინდმეწარმეა, თუმცა მისი შემოსავალი ნული ფიქსირდება. ეკატერინე ტიკარაძეს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში, მინისტრის პოსტზე 01.01.2021- 29.12.2021 პერიოდში ხელფასის სახით 60 300 ლარი აქვს აღებული. ეკატერინე ტიკარაძეს აქვს სესხით შეძენილი ბინა, რომელშიც 82 240 დოლარი გადაიხადა და 2013 წელს აღებულ სესხს 2024 წელს ასრულებს. ბიძინა კაკაბაძემ ავტომანქანა Toyota camri 12 000 დოლარად გაყიდა.

წყვილი ორ შვილს ზრდის, 19 წლის დათას, რომელიც გერმანიაში დაიბადა და 10 წლის ანასტასიას. თანამდებობიდან წასულმა მინისტრმა პირველი ოჯახური ფოტო ინსტაგრამის საკუთარ გვერდზე გუშინ გამოაქვეყნა, სადაც მეუღლესთან ერთად ჩანს. ისინი სამოგზაუროდ მიდიან.

"რა არი ეხლა ეს?“ - წერს ეკას მიერ გამოქვეყნებული ფოტოს კომენტარებში, მეუღლე ბიძინა კაკაბაძე. დაბრუნდება თუ არა ოდესმე პოლიტიკაში ტიკარაძე, უცნობია. მას მინისტრობიდან წასვლის შემდეგ, მედიისთვის არცერთი ინტერვიუ არ მიუცია...

ნახეთ ასევე: