ბრძოლა გადარჩენისთვის - ფოტოები ფილიპინებიდან, სადაც ტროპიკულ შტორმს ებრძვიან - სტიქიამ 80 ადამიანი იმსხვერპლა

ფილიპინებში, რომელსაც ტროპიკული შტორმი "ნალგა“ დაატყდა თავს, წყალდიდობისა და წვიმის შედეგად გამოწვეულ მეწყერს მინიმუმ 80 ადამიანი ემსხვერპლა, - ინფორმაციას Reuters-ი ავრცელებს.

სააგენტოს ცნობით, დაღუპულია 80 ადამიანი, 31 ადამიანი დაკარგულად ითვლება, 48 მოქალაქე კი - დაშავებულია.

ძლიერი წვიმისა და ქარის შედეგად ინფრასტრუქტურა მნიშვნელოვნად დაზიანდა. წინასწარი შეფასებით, ზარალი 384 მილიონ პესოს (6.62 მილიონი აშშ დოლარი) შეადგენს.

ამინდის ბიუროს პროგნოზით, "ნალგა“ ფილიპინებს ორშაბათს მოგვიანებით დატოვებს.