"ეკა, შეგიძლიათ, გულწრფელად მითხრათ, რა მუცლის გვრემა გაქვთ?" - ნიკა მელია ეკა კვესიტაძეს

გუშინ, "მთავარი არხის" ეთერში, ჟურნალისტმა ეკა კვესიტაძემ "ერთიანი ნაციონალური მოძრაობის" თავმჯდომარე ნიკა მელიას უკმაყოფილოდ მიმართა, რომ იგი ნიკა გვარამიას არცერთ სასამართლო სხდომაზე არ ყოფილა, რაზეც მელიამ ასე უპასუხა:

"ეკა, შეგიძლიათ, გულწრფელად მითხრათ, რა მუცლის გვრემა გაქვთ? თქვენ ისე თქვით წინა გადაცემაში – მელია უნდა მობრძანდეს ახლა სააპელაციო სასამართლოში, თქვას ნიკა გვარამიას... უნდა შევეჯიბროთ ნიკა გვარამიას სიყვარულში? 5 სასამართლო იყო სულ. [კვესიტაძე: არცერთზე არ ყოფილხართ] ეს იმას ნიშნავს, რომ მე ნიკა გვარამიას პატიმრობა უფრო ნაკლებად მაწუხებს, ვიდრე თქვენ? თქვენ გეტყობათ, რომ წინასწარი განწყობა გაქვთ", – უთხრა მელიამ კვესიტაძეს.

ცნობისთვის, რამდენიმე წუთის წინ, "მთავარი არხის“ დამფუძნებლი ნიკა გვარამია თბილისის სააპელაციო სასამართლომაც დამნაშავედ ცნო. შესაბამისად, თბილისის საქალაქო სასართლოს მიერ მისთვის 3 წლითა და 6 თვის ვადით შეფარდებული თავისუფლების აღკვეთა ძალაში დარჩა. აღნიშნული გადაწყვეტილება თბილისის სააპელაციო სასამართლოს მოსამართლეთა კოლეგიამ მიიღო.

ასევე იხილეთ:

• სააპელაციო სასამართლომ ნიკა გვარამია დამნაშავედ ცნო და 3 წლით და 6 თვით პატიმრობა მიუსაჯა