ქვემო ქართლის ერთ-ერთ სოფელში ფიზკულტურის მასწავლებელი გარდაცვლილი იპოვეს - რას აცხადებენ შსს-ში?

ქვემო ქართლის ერთ-ერთ სოფელში ფიზკულტურის მასწავლებელი გარდაცვლილი იპოვეს. გავრცელებული ინფორმაციით, მამაკაცმა სიცოცხლე თვითმკვლელობით დაასრულა.

ambebi.ge -ს ინფორმაციით, ტრაგიკულ შემთხვევას პედაგოგსა და მშობლებს შორის დაპირისპირება უძღოდა წინ. კერძოდ, რამდენიმე დღით ადრე, მასწავლებელი მოსწავლეებმა გარყვნილ ქმედებაში დაადანაშაულეს.

სწორედ აღნიშნულის გამო მასწავლებელსა და მოსწავლეების მშობლებს შორის სიტყვიერი დაპირისპირება მოხდა.

შსს-ს ინფორმაციით, საქმეზე გამოძიება სსკ-ის ორი მუხლით, 141-ე (გარყვნილი ქმედება) და 115-ე (თვითმკვლელობამდე მიყვანა) მიმდინარეობს.

როგორც უწყებაში გვითხრეს, თავდაპირველად საქმეზე გამოძიება მხოლოდ ერთი - 115-ე მუხლით დაიწყო, რამდენიმე დღის შემდეგ, მოქალაქეთა მიმართვის საფუძველზე კი საქმეში კიდევ ერთი მუხლი გაჩნდა.