"ძალიან უხერხულია ასეთ სიტუაციაში იქ შესვლა" - რატომ არის გორის კლინიკაში გამჭვირვალე საპირფარეშოები და რას აცხადებს ამის თაობაზე კლინიკის დირექტორი
გორის კლინიკა "გორმედის'' პალატებში გამჭვირვალე საპირფარეშოებია. ამის შესახებ ინფორმაციას qartli.ge ავრცელებს.
გამოცემის ცნობით, კლინიკის დირექტორი ინფორმირებულია პრობლემების შესახებ, თუმცა საკითხის მოგვარებას უახლოეს მომავალში არ აპირებს.
როგორც qartli.ge წერს, მოქალაქემ ფაქტი ადმინისტრაციასთან გააპროტესტა, თუმცა პასუხად მიიღო, თუ რა საჭიროა დაბურული მინები.
"მე ამჟამად ორსაწოლიან პალატაში ვარ. ვართ ორნი. ძალიან უხერხულია ასეთ სიტუაციაში ასეთ საპირფარეშოში შესვლა. დისკომფორტია ნამდვილად'', - აცხადებს პაციენტი გამოცემასთან.