მსოფლიოში ერთ-ერთი მოწინავე ვირუსის საწინააღმდეგო პრეპარატი "ვირუპროტექტი“ მალე საქართველოს ყველა სააფთიაქო ქსელში გამოჩნდება

ორალური სპრეის „ვირუპროტექტი“ წარდგენა სამედიცინო საზოგადოებისთვის შედგა

17 ნოემბრიდან ახალი პრეპარატი „ვირუპროტექტი“ საქართველს ყველა სააფთიაქო ქსელში იქნება წარმოდგენილი. მისი წარდგენა სამედიცინო კონფერენციაზე, სახელწოდებით „ინოვაციური პასუხი 5 ძირითადი ვირუსის წინააღმდეგ“ ფარმაცევტული კომპანიების - „არტფარმასა“ და „Stada“-ს ეგიდით მოხდა. პრეპარატი უკვე 12 წელია აპრობირებულია 32-ზე მეტი ქვეყნის სამედიცინო საზოგადოების მიერ და აღიარებულია როგორც ინოვაციური, ანტივირუსული სპრეი, რომლის ეფექტიანობა და უსაფრთხოება რესპირაციული მწვავე ვირუსული ინფექციების პრევენციისა და თერაპიის კუთხით დადასტურებულია 123 კლინიკური კვლევით. „ვირუპროტექტმა“, რომელიც 99%-იან დაცვას უზრუნველყოფს ყველაზე გავრცელებული ვირუსული და ბაქტერიული ინფექციების მიმართ, სამედიცინო საზოგადოებისგან დიდი ყურადღება დაიმსახურა. შეფასებები წამყვანი ექიმების მხრიდან ადგილზევე გაკეთდა:

თემურ მიქელაძე, ექიმი, პედიატრი, პროფესორი:

_ ვინაიდან ახლა რესპირაციულ-ვირუსული ინფექციების გავრცელების სეზონია, ჩვენი მთავარი მოვალეობაა, ჩავიტაროთ პროფილაქტიკური ღონისძიებები. მისასალმებელია, რომ საქართველოში ეს სპრეი შემოდის, რომელიც ოჯახებს ვირუსული ინფექციების მართვას გაუადვილებს. მას თავისი მტკიცებულებები აქვს გავლილი და მოხარული ვარ, რომ ამ ევროპულ პროდუქციაზე წვდომა ჩვენც გვექნება. შეგვიძლია გამოვიყენოთ როგორც საპროფილაქტიკოდ, ასევე ინფექციის გავრცელების დროს ვირუსის ხანგრძლივობის შესამცირებლად.

მიხეილ ხუჯაძე, ოტორინოლარინგოლოგი, მედიცინის დოქტორი, პროფესორი:

_ ერთ-ერთი მოწინავე პრეპარატია და იმ ძირითადი 5 ვირუსის ელიმინაციას (გამოდევნას) ახდენს, რომელიც ზედა და ქვედა სასუნთქი გზების მწვავე რესპირაციულ დაავადებას იწვევს. არის უვნებელი, არ გააჩნია მძიმე გვერდითი მოვლენები, ძალიან ადვილად მოსახმარია ბავშვებისთვისაც და 4 წლის ასაკიდან ინიშნება. ამ პრეპარატს აქვს პრევენციული მოქმედებაც, - თუ მანამდე პროფილაქტიკის მიზნით მივიღებთ, ან უკვე ვირუსის მძვინვარების დროს, - ყველა ეტაპზე მონაწილეობს ამ ვირუსის განადგურებაში. ამიტომ შეგვიძლია გამოვიყენოთ როგორც პროფილაქტიკური მიზნებისთვის, ასევე სამკურნალოდ.

ბიძინა კულუმბეგოვი, ალერგოლოგ-იმუნოლოგი, ასოცირებული პროფესორი:

_ რესპირაციული დაავადებები სულ არსებობდა და რაც კაცობრიობა იქნება, იარსებებს. განსაკუთრებით აქტიურდება შემოდგომა-ზამთრის პერიოდში და გაზაფხულზე და მათ ვეძახით რინოვირუსებს, რესპირაციულ-სინციტიალურს, ადენოვირუსებს. ეს ვირუსები ადამიანების ყოველდღიური ავადობის მიზეზებია. ეს ახალი პრეპარატი თავისი შემადგენლობით უწყინარია. სამედიცინო სფეროში დიდი მნიშვნელობა აქვს წამლის წარმომავლობას და ხარისხს. პრეპარატს ევროპული წარმომავლობა აქვს, ევროკავშირის ქვეყნები პრეპარატებს მკაცრს სტანდარტებს უწესებენ. ამიტომ, ვირუპროტექთან მიმართებაში დიდი მოლოდინი გვაქვს, რომ რესპირაციული ავადობის ტვირთს საგრძნობლად შეამცირებს.

ივანე ჩხაიძე - პედიატრი, პროფესორი, მედიცინის მეცნიერებათა დოქტორი, მ.იაშვილის სახელობის ბავშვთა ცენტრალური საავადმყოფოს სამედიცინო დირექტორი:

_ ცხადია, ყველას გვჭირდება სხვადასხვა ვირუსული ინფექციისგან თავდაცვა. ნოემბრიდან არის მოლოდინი, რომ მწვავე რესპირაციული ვირუსული ინფექციების რიცხვი მოიმატებს, ამაზე ჯანმო (ჯანმრთელობის მსოფლიო ორგანიზაცია) გვაფრთხილებს. ამიტომ, სასიხარულოა, რომ ქვეყანას არსენალში ექნება ეს განსხვავებული მოქმედების ანტივირუსული პრეპარატი „ქოლზიმი“, რომელიც საქართველოში „ვირუპროტექტის“ სახელით იქნება წარმოდგენილი. დღემდე ჩატარებულ მაღალი დონის კვლევაში ნაჩვენებია მისი ეფექტიანობა ძირითადი რესპირაციული ინფექციების წინააღმდეგ. ასევე ნაჩვენებია ეფექტიანობა კორონავირუსის წინააღმდეგაც. ძალიან მნიშვნელოვანია პრეპარატის ორგანიზმში შეყვანის გზა, რაც პაციენტისთვის მაქსიმალურად კომფორტულია. ეს არის სპრეი. მისი შესხურებით მნიშვნელოვან შედეგს ვიღებთ. ეფექტიანობა განპირობებულია მასში შემავალი ინგრედიენტებით, რომლებიც ვირუსს ხელს უშლის სასუნთქ სისტემაში შეაღწიოს, სასუნთქ გზებს მიეწებოს და სასუნთქი გზების მთლიანობა დაარღვიოს. შესაბამისად, ეს მოქმედების მექანიზმი მის კლინიკურ შედეგში აისახება. ექსპერიმენტი და კვლევა მიუთითებს იმაზე, რომ მწვავე რესპირაციული ვირუსული ინფექციით გამოწვეული პროცესი „ვირუპროტექტის“ გამოყენების შემთხვევაში, 6-6 ნახევარი დღის ნაცვლად 3-3 ნახევარი დღით შემცირდა. პრეპარატი სიმპტომების ალაგებას მაქსიმალურად აჩქარებს, ადამიანი მკურნალობის დაწყებისთანავე გრძნობს შედეგს. პრეპარატმა შეამცირა სამსახურის გაცდენის დღეების რაოდენობაც. ერთ-ერთი უახლესი კვლევა კორონავირუსის ბოლო ვარიანტს, ომიკრონს ეხება. დადგინდა, რომ „ვირუპროტექტი“ უჯრედში ომიკრონის შეღწევას ბლოკავს. ეს კი იმის თქმის უფლებას გვაძლევს, რომ ის სწორედ დღეს, ამ სეზონზე გამოსაყენებელი პრეპარატია, როცა ვირუსების რაოდენობის მატებას ველოდებით. თუ კონტაქტი გაქვთ ინფიცირებულთან, ან გრძნობთ მინიმალურ სიმპტომს, მაშინვე უნდა დაიწყოთ ამ პრეპარატის გამოყენება. მწარმოებელი ქვეყანა შვედეთია და ამ მხრივაც გამორჩეულია, რადგანაც მაღალი სტანდარტი და უსაფრთხოების ნორმები დაცულია.

ღონისძიებაზე სიტყვით გამოვიდა ფარმაცევტული კომპანია „არტფარმას“ დამფუძნებელი და გენერალური დირექტორი, ლიკა ლობჟანიძე.

_„რესპირატორული ინფექციები ძალიან გავრცელებულია და საფრთხეს უქმნის ზოგადად ჯანმრთელობას, ამიტომ ვირუსებისგან თავის დაცვა და ავადობისას სწრაფი გამოჯანმრთელებისთვის ზრუნვა ჩვენთვის უმნიშვნელოვანეს ამოცანას წარმოადგენს. სწორედ ამიტომ, ამ მიმართულებით „არტფარმას“ პორტფოლიოს კიდევ უფრო ვაძლიერებთ და მოხარულები ვართ, რომ საერთაშორისო ფარმაცევტულ კომპანია „Stada“-სთან ერთად, სამეცნიერო კონფერენციას ვუმასპინძლეთ, ვიმსჯელეთ რესპირაციული დაავადებების მართვის თანამედროვე მიდგომებზე და ამ ასპექტში, წარმოვადგინეთ სიახლე და აბსოლუტური ინოვაცია ქართული ფარმაცევტული ბაზრისთვის- ვირუსების საწინააღმდეგო ორალური სპრეი „ვირუპროტექტი“. დარწმუნებულები ვართ, პრეპარატი მასზე ჩატარებული კლინიკური კვლევებისა და თერაპიული ეფექტიანობისა და უსართხოების დამსახურებით, საქართველოშიც ისეთივე აღიარებას მოიპოვებს, როგორიც მრავალი წელია აქვს ევროპაში.

პრეპარატი საქართველოს ყველა აფთიაქში 17 ნოემბრიდან იქნება ხელმისაწვდომი და მისი გამოყენება ყველას შეეძლება, 4 წლის ასაკიდან. „ვირუპროტექტი“ რეკომენდებული და ეფექტიანია ვირუსებისაგან დასაცავად ისეთ გარემოში, როგორიცაა: საზოგადოებრივი ტრანსპორტი, სკოლები, ბაღები, უნივერსიტეტები, ოფისები, აფთიაქები და სამედიცინო დაწესებულებები, საზოგადოებრივი თავშეყრის ადგილები - კვების ობიექტები, კინოთეატრები, გასართობი და სავაჭრო ცენტრები”.

ღონისძიებას 200-მდე სხვადასხვა პროფილის წამყვანი ექიმი დაესწრო, კერძოდ, პედიატრები, ფთიზიატრები, პულმუნოლოგები, ოტორინოლარინგოლოგები, ინფექციონისტები, თერაპევტები და ოჯახის ექიმები.

პრეპარატი უზრუნველყოფს 99%-იან დაცვას იმ 5 ძირითადი ვირუსის წინააღმდეგ, როგორებიც არის - რინოვირუსი, ადენოვირუსი, რესპირატორულ-სინციტიალური ვირუსი, კორონავირუსი, გრიპის ვირუსი ტიპი A. გაციების დროს კი, 90%-ით ამცირებს ვირუსის გამწვავებას და 2-ჯერ აჩქარებს გამოჯანმრთელების პროცესს, გამოყენების პირველივე დღიდან ხსნის სიმპტომებს.

R