"ჩემი ყველაზე დიდი შიში გამართლდა“ - Marvel-ის ვარსკვლავი კრის ჰემსვორთი კარიერაში ტაიმაუტს იღებს: მიზეზი ალცჰაიმერის დაავადებისადმი მიდრეკილებაა

Marvel-ის ვარსკვლავმა, 38 წლის კრის ჰემსვორთმა განაცხადა, რომ ჯანმრთელობის პრობლემების გამო, სამსახიობო კარიერის შეჩერება სურს. ამის შესახებ მსახიობმა Vanity Fair-თან ინტერვიუში ისაუბრა.

აღმოჩნდა, რომ კინოვარსკვლავს ალცჰაიმერის დაავადებისადმი მიდრეკილება აქვს, რაც თავის ტვინს აზიანებს. ამის შესახებ მსახიობმა დოკუმენტური სერიალის Limitless-ის გადაღებების დროს შეიტყო, როდესაც გეტენიკური ტესტის ჩატარება მოუწია. "ჩემი ყველაზე დიდი შიში გამართლდა“, - ამბობს გამოცემასთან ინტერვიუში მსახიობი...

• ადამიანებს, რომელთაც დნმ-ში აქვთ APOE4 გენის ორი ასლი, მათ აქვთ ალცჰაიმერის დაავადების უფრო მაღალი რისკი. ჯანდაცვის ეროვნული ინსტიტუტის 2021 წლის კვლევის თანახმად, ყოველი მეოთხე ადამიანი ატარებს გენის ერთ ასლს, მაგრამ მოსახლეობის მხოლოდ 2-დან 3 პროცენტს აქვს ორივე ასლი. აღმოჩნდა, რომ ვასრკვლავი ორივე გენის მატარებელია...

ინტერვიუში კრისი საუბრობს თუ როგორ უყურებს მომავალს და ამბობს, რომ ახლა უფრო მეტად აფასებს ცხოვრებას.

• "მას შემდეგ, რაც ამ ამბის შესახებ შევიტყვე, როდესაც რაღაც მავიწყდება, ვფიქრობ, "ოჰ არა, ეს არის?.."

ამჟამად ვარსკვლავი ერთ-ერთი პროექტის გადაღებებში მონაწილეობს, თუმცა მისი დასრულების შემდეგ, კარიერაში შესვენებას გეგმავს, უნდა რომ დრო ოჯახს დაუთმოს.

"ახლა, როცა დავასრულებ სამუშაოს, სადაც უკვე გავაფორმე კონტრაქტი, წავალ სახლში და საკმარისი დრო მექნება დასასვენებლად. მე მინდა ვიყო ჩემს შვილებთან, ჩემს მეუღლესთან ერთად“, - თქვა კრისმა.

მსახიობმა უკვე დაიწყო ნაბიჯების გადადგმა რისკის სამართავად, ფიზიკური და ფსიქიკური ჯანმრთელობის შესანარჩუნებლად...