ხაშურში, დედათა მონასტერში სავარაუდოდ ყაჩაღობის მიზნით, რამდენიმე პირი შეიჭრა - ნაცემია მონაზონი: მას ტვინის შერყევა აქვს
ხაშურის მუნიციპალიტეტში, სოფელ ცხრამუხაში, ხაშურისა და სურამის ეპარქიის დედათა მონასტერში, სავარაუდოდ ყაჩაღობის მიზნით, რამდენიმე პირი შეიჭრა. უცნობებს მონასტრის იღუმენიამ და წევრებმა წინააღმდეგობა გაუწიეს, რა დროსაც მათ ფიზიკურად გაუსწორდნენ.
ერთ-ერთი მონაზონი, რომელსაც სხეულზე მრავლობითი დაზიანებები აღენიშნება, ხაშურის ცენტრალურ საავადმყოფოშია გადაყვანილი. AMBEBI.GE ინფორმაციით, დაშავებულს ტვინის შერყევა და მძიმე დაზიანებები აღენიშნება სახის არეში. მომხდარ ფაქტზე დაწყებულია გამოძიება.