ავტორი:

"გაერთიანებულ სამეფოსა და ჩინეთს შორის ურთიერთობის "ოქროს ხანა“ დასრულებულია" - რიში სუნაკი

"გაერთიანებულ სამეფოსა და ჩინეთს შორის ურთიერთობის "ოქროს ხანა“ დასრულებულია" - რიში სუნაკი

გაერთიანებული სამეფოს პრემიერ-მინისტრის, რიში სუნაკის განცხადებით, ჩინეთთან ურთიერთობის ეგრეთ წოდებული "ოქროს ხანა“ დასრულდა.

მისი თქმით, დიდმა ბრიტანეთმა ახლა მეოცნებე ფიქრები კონკურენტების მიმართ მტკიცე პრაგმატიზმით უნდა ჩაანაცვლოს.

რიში სუნაკი ჩინეთში BBC-ის ჟურნალისტის დაკავებასაც გამოეხმაურა, რომელიც შანხაიში მიმდინარე საპროტესტო აქციას აშუქებდა და აღნიშნა, რომ ჩინეთმა "არჩია დარბევა, მათ შორის BBC-ის ჟურნალისტზე თავდასხმით“.

”ჩვენ ვაღიარებთ, რომ ჩინეთი სისტემურ გამოწვევას უქმნის ჩვენს ღირებულებებსა და ინტერესებს, გამოწვევა, რომელიც უფრო მწვავე ხდება, როდესაც ის უფრო დიდი ავტორიტარიზმისკენ მიიწევს. გაერთიანებული სამეფოსა და ჩინეთის ურთიერთობების ოქროს ეპოქა დასრულებულია, გულუბრყვილო იდეასთან ერთად, რომ მეტი ვაჭრობა დასავლეთთან გამოიწვევს ჩინეთის პოლიტიკურ რეფორმას“, -აღნიშნა სუნაკმა.

ამასთან, მან ხაზი გაუსვა, რომ შეუძლებელია მსოფლიო საკითხებში ჩინეთის მნიშვნელობის უგულვებელყოფა.

"არ შეიძლება, უბრალოდ უგულებელვყოთ ჩინეთის მნიშვნელობა მსოფლიო საქმეებში - გლობალური ეკონომიკური სტაბილურობისთვის ან ისეთი საკითხების მიმართ, როგორიცაა კლიმატის ცვლილება", - აღნიშნა სუნაკმა.

მისი თქმით, გაერთიანებული სამეფო იმუშავებს მოკავშირეებთან, მათ შორის აშშ-სთან, კანადასთან, ავსტრალიასთან და იაპონიასთან ერთად, რათა მართოს ეს გამწვავებული კონკურენცია, მათ შორის დიპლომატიითა და ჩართულობით.

"ეს ნიშნავს ჩვენს კონკურენტებთან დაპირისპირებას არა გრანდიოზული რიტორიკით, არამედ ძლიერი პრაგმატიზმით“, - დასძინა მან.