ქანიე უესტმა და კიმ კარდაშიანმა სასამართლოზე შეთანხმებას მიაღწიეს - რეპერს ბავშვებისთვის თვეში 200 000$-ის ოდენობის ალიმენტის გადახდა დაეკისრა

კიმ კარდაშიანიმა და ქანიე უესტმა სასამართლო დავაზე შეთანხმებას მიაღწიეს და შესაბამისად, მომდევნო თვეში დანიშნული სასამართლო პროცესი გაუქმდა. ყოფილმა ცოლ-ქმარმა და მათმა ადვოკატებმა დოკუმენტები უკვე შეიტანეს და ახლა მხოლოდ მოსამართლის დასტურს ელოდებიან.

შეთანხმების მიხედვით, რეპერმა მის 4 შვილს, ალიმენტად, თვეში 200 000$ უნდა გადაუხადოს. აგრეთვე, ორივე მშობელს ექნება ბავშვებზე მეურვეობა და არც ერთ მაგთანს არ მოუწევს ერთმანეთისთვის ალიმენტის ხდა. რაც შეეხება წყვილის ქონებას, მათ წინასაქორწინო შეთანხმება ჰქონდათ და თავიანთ ქონებას განცალკევებით ინახავდნენ.

კიმ კარდაშიანს და ქანიე უესტს 4 შვილი ჰყავთ, რომელთა ასაკიც 3-დან 9 წლამდეა. რეპერის და მისი ყოფილი ცოლის შეთანხმების საფუძველზე, ბავშვების სკოლაში და შემდეგ უკვე კოლეჯში სწავლის საფასურს ისინი თანაბრად გაინაწილებენ. უესტმა განქორწინებაზე განაცხადის შეტანის შემდეგ უკვე 2 ადვოკატი შეიცვალა. მის მოთხოვნებს შორის, რომელიც სასამართლოში წააყენა, იყო ისიც, რომ მას უნდა ჰქონოდა უფლება, კარდაშიანის ნებისმიერი ახალი მეუღლე ფიცის ქვეშ დაეკითხა, რაზეც მოსამართლემ მაშინვე უარი განუცხადა.

კარდაშიანისთვის ეს რიგით მესამე ქორწინება იყო, ქანიესთვის კი პირველი. მოსამართლემ წყვილის ოფიციალური გაყრა მარტში დაადასტურა, მაგრამ ქონების განაწილების და ბავშვებზე მეურვეობის საკითხები აქამდე გაურკვეველი იყო.

წყარო: theguardian

მოამზადა: ანა სიბოშვილმა