მძღოლი, რომელმაც ავტოსაგზაო შემთხვევისას სიღნაღის ისტორიული გალავნის თაღი ჩამონგრია, 250 ლარით დაჯარიმდა

მძღოლი, რომელმაც სიღნაღში ერეკლე მეორის გადაწყვეტილებით აშენებული გალავნის თაღი დააზიანა, 250 ლარით დაჯარიმდა.

ამის შესახებ ambebi.ge-ს შსს-ში განუცხადეს.

"მმხადრისთანავე საქმეზე ადმინისტრაციული წარმოება დაიწყო და მძღოლი დაჯარიდა კანონის შესაბამისად, 250 ლარით" - გვითხრეს უწყებაში.

გუშინ, გვიან ღამით მომხდარი ავტოსაგზაო შემთხვევის დროს, სატვირთო მანქანამ კულტურული მემკვიდრეობის ძეგლის, სიღნაღის ისტორიული გალავნის ერთ-ერთი თაღი, იგივე კარიბჭე ჩამოანგრია.

"სიღნაღის თაღი ეროვნული მნიშვნელობის კულტურული მემკვიდრეობის ძეგლია, რომლის აღდგენა ყველა შესაბამისი უწყების კოორდინირებული მუშაობით, უახლოეს პერიოდში გახდება შესაძლებელი." - აცხადებენ სიღნაღის მუნიციპალიტეტი მეიაში.

ისტორიული წყაროების მიხედვით, სიღნაღის ციხე-გალავანი 1762 წელს მეფე ერეკლე მეორის ბრძანებით აშენდა. მისი სიგრძე, დაახლოებით, 4 კილომეტრია.