რუსეთში, აეროდრომზე მომხდარ აფეთქებას 3 ადამიანი ემსხვერპლა
რუსეთის ქალაქ რიაზანთან ახლოს აეროდრომზე მომხდარი აფეთქების შედეგად 3 ადამიანი დაიღუპა, - ინფორმაციას რუსული მედია ავრცელებს.
მათივე ცნობით, დაშავებულია კიდევ 5 ადამიანი.
საგანგებო სიტუაციების სამსახურის წარმომადგენლები მედიასთან საუბარში აცხადებენ, რომ აფეთქება საავიაციო ტექნიკის სადგომზე მოხდა. ზოგიერთი მედია საშუალების ცნობით, აეროდრომზე ბენზინმზიდი აფეთქდა.
"სამი დაიღუპა, ხუთი დაშავდა. ხუთიდან ორმა სხეულის მძიმე დაზიანება მიიღო“, - აცხადებენ საგანგებო სიტუაციების სამსახურში.