ავტორი:

"რობი და სუკი ნიშნობაზე ფიქრობენ, მაგრამ არ ჩქარობენ“ - "ბინდის" ვარსკვლავი 4-წლიანი ურთიერთობის შემდეგ, საყვარელ ქალთან ერთად, წითელ ხალიჩაზე პირველად გამოჩნდა

"რობი და სუკი ნიშნობაზე ფიქრობენ, მაგრამ არ ჩქარობენ“ - "ბინდის" ვარსკვლავი 4-წლიანი ურთიერთობის შემდეგ, საყვარელ ქალთან ერთად, წითელ ხალიჩაზე პირველად გამოჩნდა

რობერტ პატინსონი და სუკი უოტერჰაუზი 4-წლიანი ურთიერთობის განმავლობაში პირველად გამოჩნდნენ ერთად წითელ ხალიჩაზე. მათი "დებიუტი“ Dior-ის მამაკაცების 2023 წლის საშემოდგომო კოლექციის ჩვენებაზე შედგა, რომელიც ეგვიპტეში ჩატარდა.

მოდურ ტანისამოსში გამოწყობილი წყვილი ერთმანეთს ნაზი და სიყვარულით სავსე მზერით შეჰყურებდა და ფოტოგრაფებისთვის თამამად პოზირებდა. 36 წლის პატინსონს კრემისფერი კოსტიუმი და ყელიანი სვიტერი ეცვა, 30 წლის სუკი კი იასამნისფერ კაბასა და შავქუსლიან ფეხსაცმელში იყო გამოწყობილი.

წყვილის რომანი 2018 წელს დაიწყო, როცა პაპარაცმა ისინი ლონდონის ქუჩაზე ერთად შენიშნა სეირნობისას.

"ბინდის“ ვარსკვლავი მის მიმართ დიდ სითბოს იჩენდა, ხელი ჰქონდა გადახვეული და სუკის თმაზე ეფერებოდა. მათმა ურთიერთობამ სერიოზული სახე 2020 წელს მიიღო, როცა კოვიდის "ლოკდაუნის" დროს წყვილმა კარანტინი ერთად გაატარა.

"რობი და სუკი ნიშნობაზე ფიქრობენ, მაგრამ არ ჩქარობენ“,- განუცხადა წყარომ მედიას. რობერტი მანამდე მომღერალ ტალია დებრეტ ბარნეტს ხვდებოდა, რომელიც სასცენო სახელით, FKA twigs-ითაა ცნობილი. ისინი დანიშნულებიც იყვნენ, მაგრამ 2017 წელს დაშორდნენ. სუკი უოტერჰაუზი კი 2015 წელს, მსახიობ ბრედლი კუპერს ორწლიანი ურთიერთობის შემდეგ დაშორდა.

რობერტი და ტალია

პატინსონი მისი და უოტერჰაუზის ურთიერთობაზე საჯაროდ თითქმის არასდროს საუბრობს. მსახიობი პირადი ცხოვრების დეტალების გასაჯაროების კატეგორიული წინააღმდეგია. "ქუჩაში უცხო ადამიანი რომ მოგადგეს და შენს ურთიერთობაზე კითხვები დაგისვას, იფიქრებ, რომ ის საშინლად უზრდელი ადამიანია. როცა ქუჩაში ხელჩაკიდებული ვსეირნობ და 100 ადამიანი გვიღებს ფოტოს, ზუსტად იგივე შეგრძნება მაქვს", - განაცხადა პატინსონმა 2019 წლის ინტერვიუში.

წყარო:pagesix

მოამზადა: ანა სიბოშვილმა