ავტორი:

"შენ ხარ დიდებული მეკარე... შეცდომის ნუ გეშინია, შეცდომას ყველა უშვებს" - ლუკას დარიგება და დომინიკის სასწაული

"შენ ხარ დიდებული მეკარე... შეცდომის ნუ გეშინია, შეცდომას ყველა უშვებს" - ლუკას დარიგება და დომინიკის სასწაული

გუშინ, 5 დეკემბერს ხორვატიის ნაკრებმა იაპონიის ნაკრები დაძაბულ და ემოციურ შეხვედრაში დაამარცხა. თამაში იმდენად თანაბარი იყო, რომ საქმე 11-მეტრიანებამდე მივიდა.

ხორვატების მეკარემ დომინიკ ლივაკოვიჩმა ნამდვილი სასწაული ჩაატარა - მან იაპონელების დარტყმული სამი პენალტი მოიგერია და, ბუნებრივია, მატჩის გმირიც გახდა.

  • ლივაკოვიჩი ყოველთვის ასეთი შთამბეჭდავი თამაშით არ გამოირჩეოდა, თუმცა მასზე დიდი გავლენა მოახდინა ნაკრების კაპიტნის, ლეგენდარული ლუკა მოდრიჩის სიტყვებმა. შთამაგონებელად ლუკამ დომინიკს მართალია, სულ სხვა თამაშის წინ მიმართა, თუმცა მთავარი ისაა, რომ მეკარის თამაშზე, მის მოტივაციაზე და მთლიანად კარიერაზე დადებითად იმოქმედა.

"ამ ყველაფერს არ გეტყოდი, შენზე რომ არ ვზრუნავდე. მაგრამ ეროვნულ ნაკრებში მე შენს პროგრესს ვერ ვხედავ. იქნებ ზედმეტ წნეხს გრძნობ? შენ უბრალოდ თავდაუჯერებლობას ასხივებ. ეს მთელი გუნდისთვის მნიშვნელოვანია. გესმის? რატომ არ შეგიძლია შეცდომის დაშვება? ყველა ცდება. მე ვგრძნობ, რომ შენი პრობლემა ისაა, რომ გეშინია. რატომ არ შეიძლება შეცდომის დაშვება? გთხოვ, დამისახელე ერთი სახელი, ვინც შეცდომას არ უშვებს. მისმინე, შენ შესანიშნავი მეკარე ხარ. იცი?“ - უთხრა ლუკამ ლივაკოვიჩს.

ამ სიტყვების შემდეგ, ლივაკოვიჩის კარიერაში ახალი ერა დაიწყო. ბოლოს კი მთელმა მსოფლიომ ნახა იაპონიასთან რა შთამბეჭდავად ითამაშა და მოწინააღმდეგის 4 პენალტიდან 3 მოიგერია.

იხილეთ ასევე:

მოამზადა ანრი კურტანიძემ