რა ფასდაკლებები და პრეზენტაციები გელოდებათ 16-18 დეკემბერს წიგნის საახალწლო ფესტივალზე
16-18 დეკემბერს „ექსპო ჯორჯიას“ IV, V და VI პავილიონებში წიგნის საახალწლო ფესტივალი გაიმართება. ფესტივალი უკვე წლებია ტარდება და წინასაახალწლოდ მკითხველს განსაკუთრებულ შეთავაზებებს ჰპირდება.
წიგნის ფესტივალის ერთ-ერთი მასპინძელი ტრადიციულად გახლავთ გამომცემლობა „პალიტრა L“, რომლის სტენდებთან მისულ სტუმრებს ელოდებათ საჩუქრები, საბავშვო აქტივობები, ახალი წიგნების პრეზენტაციები, თანამედროვე და კლასიკური ლიტერატურის დიდი არჩევანი. რაც მთავარია, წიგნებზე გავრცელდება 50%-მდე ფასდაკლება. ფესტივალზე შეგიძლიათ არა მხოლოდ თქვენთვის შეიძინოთ წიგნები, არამედ შეარჩიოთ საახალწლო საჩუქრები საყვარელი ადამიანებისთვის, რადგან წიგნი საუკეთესო საჩუქარია.
როგორც გამომცემლობა „პალიტრა L“-ში აცხადებენ, წიგნის საახალწლო ფესტივალზე განსაკუთრებული ადგილი დაეთმობა საბავშვო ლიტერატურასა და აქტივობებს:
„პატარა მკითხველს ჩვენს სტენდებთან ახალ წიგნები, საჩუქრები და სხვადასხვა შემეცნებით-გასართობი აქტივობა დახვდებათ. აღსანიშნავია ინტერაქციული წიგნების სერია, რომელიც „დისნეისა“ და „პიქსარის“ ანიმაციური ფილმების მიხედვით არის შექმნილი. წიგნები კითხვა-თამაშის პრინციპზეა დაფუძნებული და ბავშვების თვალწინ მათს საყვარელ ანიმაციურ გმირებს აცოცხლებს,“ - აცხადებენ გამომცემლობაში.
როგორც აღვნიშნეთ, ფესტივალზე მისულ სტუმრებს ფასდაკლებების გარდა წიგნების პრეზენტაციებიც ელოდებათ. „პალიტრა L“-ის ღონისძიებების გრაფიკი ასეთია:
16 დეკემბერი, პარასკევი:
- 15:00 - 15:30 - ლელა ცუცქირიძის წიგნის ,,ანბან ანგელოზები“ წარდგენა.
17 დეკემბერი, შაბათი:
- 14:30 - 15:00 - პ.ლ.ტრევერსის „მერი პოპინსის სერიის" წარდგენა, საუბარი და წიგნის კითხვა მთარგმნელ ია კოროშინაძესთან ერთად.
18 დეკემბერი, კვირა:
- 15:30 - 16:00 - კომიქსის ,,უჩინარი“ წარდგენა.
- 16:00 - 16:30 ვასო გულეურის ვორქშოპი „თოვლის გუნდა დაეძებს მეგობარს“.
ეწვიეთ 16-18 დეკემბერს წიგნის საახალწლო ფესტივალს და შეარჩიეთ თქვენთვის სასურველი წიგნები დიდი ფასდაკლებით.
იხილეთ „პალიტრა L-ის“ კატალოგი წიგნის საახალწლო ფესტივალზე.
R