"ლუკაშენკოსთან შეხვედრაზე პუტინი განიხილავს ბელარუსის ძალების უფრო ფართო ჩართულობას უკრაინის წინააღმდეგ რუსეთის შემდგომ აგრესიაში" - ომის შესწავლის ინსტიტუტი
პუტინის დაგეგმილი შეხვედრა ბელარუსის პრეზიდენტ ალექსანდრე ლუკაშენკოსთან, სავარაუდოდ, პროაქტიულობის და ომის ახალი ეტაპისთვის ინფორმაციის პირობების შექმნის მცდელობის ნაწილია, - ამის შესახებ ამერიკული ომის შესწავლის ინსტიტუტის ანგარიშშია აღნიშნული.
“უკრაინის გაერთიანებული ძალების სარდალმა სერჰი ნაევმა კომენტარი გააკეთა პუტინ-ლუკაშენკოს მოახლოებულ შეხვედრაზე და აღნიშნა, რომ ეს ხდება პუტინის რუსეთის სამხედრო სარდლობასთან 17 დეკემბერს გამართული შეხვედრის შემდეგ, სადაც განიხილეს ომის როგორც უშუალო, ისე შუალედური მიზნები. ნაევის განცხადებით, უკრაინის მთავრობას მიაჩნია, რომ პუტინი განიხილავს ბელარუსის ძალების უფრო ფართო ჩართულობას უკრაინის წინააღმდეგ რუსეთის შემდგომ აგრესიაში, რაც თანხვედრაშია ომის შესწავლის ინსტიტუტის პროგნოზთან“, - აღნიშნულია ანგარიშში.
ინსტიტუტის ანალიტიკოსები აცხადებენ, რომ პუტინის შეხვედრა რუსეთის სარდლობასთან, შოიგუს ვიზიტი ფრონტზე და პუტინი-ლუკაშენკოს შეხვედრა, შესაძლოა, უახლოეს თვეებში უკრაინის წინააღმდეგ განახლებულ შეტევის მომასწავებელი ნიშანი იყოს.
„ერთად აღებული პუტინის შეხვედრა რუსეთის სარდლობასთან, შოიგუს ვიზიტი ფრონტზე და პუტინი-ლუკაშენკოს შეხვედრა მიანიშნებს, რომ ომის კონცეფციის, დაგეგმვისა და წარმართვის ახალ ფაზაზე და შესაძლოა უახლოეს თვეებში უკრაინის წინააღმდეგ განახლებულ შეტევის მომასწავებელი ნიშანი იყოს“, - აღნიშნულია ანგარიშში.
შეგახსენებთ, რუსული მედიის ინფორმაციით, დღეს მინსკში ვლადიმერ პუტინისა და ალექსანდრე ლუკაშენკოს შეხვედრა გაიმართება.