აჭარის უმაღლესი საბჭოს “ერთიანი ნაციონალური მოძრაობის” წევრ გიორგი კირთაძეს პირდაპირ ეთერში თავს დაესხნენ
ბათუმში „ერთიანი ნაციონალური მოძრაობის“ ერთ-ერთ ლიდერს, გიორგი კირთაძეს თავს დაესხნენ.
როგორც მან „ინტერპრესნიუსს“ განუცხადა, ჟურნალისტებთან საუბრისას უცნობი მამაკაცი მიუახლოვდა და კვერცხები დაუშინა.
გიორგი კირთაძე ამბობს, რომ აღნიშნული პირის უკან სუს-ი დგას.
„ჟურნალისტებთან ბელარუსის თემაზე ვსაუბრობდი, რომ ქვეყანა ბელარუსის მიმართულებით მიდის, ამ დროს ეთერში უცნობმა პირმა ზურგიდან კვერცხების სროლა დაიწყო. მე არ ვიცნობ, ამ ადამიანს. მითხრა აქაური ვარო, მაგრამ ჩვეულებრივად სუს-ის გამოგზავნილი „ტიტუშკაა“, რომელიც ლაჩრულად იქცევა”, - განაცხადა გიორგი კირთაძემ.