"უკრაინის მოქალაქე ვარ, ქართულად არ ვილაპარაკებო, - ქართველებს გაებუტა..."  - "ნაცმოძრაობის" ყოფილი დეპუტატი სააკაშვილს აკრიტიკებს: რა წერენ მის პოსტზე თამარ ჩერგოლეიშვილი და ნანუკა ჟორჟოლიანი?

მე-9 მოწვევის პარლამენტის დეპუტატი "ნაციონალური მოძრაობიდან", ამჟამად კი "ევროპული საქართველოს" წევრი ლელა ქებურია სოციალურ ქსელში მიხეილ სააკაშვილის სასამართლოს თაობაზე პოსტს აქვეყნებს.

"მე უკრაინის მოქალაქე ვარ, ქართულად არ ვილაპარაკებო” , - ქართველებს გაებუტა, 100 ათასი რომ უნდა გამოსულიყო მისი სახელის ხსენებაზე და არ გამოვიდა.

ანწუხელიძის ქვეყანში “გმირი” ეს არისო გვასაღებენ და მერე ხალხს ამუნათებენ თავგანწირვით რატომ არ იბრძვითო..." - წერს ლელა ქებურია.

პოსტის გამოქვეყნების შემდეგ, ქებურიას მისამართით ექსპრეზიდენტის მხარდამჭერებმა შეურაცხმყოფელი შეფასებები არ დაიშურეს, რის მერეც ქებურიამ საკუთარი მოსაზრება კიდევ ერთხელ გამოხატა:

"ყველაზე მეტად მინდა, რომ ციხეში არ იჯდეს და კარგად იყოს. იმათზე ბევრად მეტად, ვინც ახლა კომენტარებში ლოყებს იკაწრავს. ოღონდ საკუთარი ბრალეულობა არ დაინახონ ამ პროცესში და ყველას გაატყავებენ..."

ქებურიას სტატუსს კომენტარებში თამარ ჩერგოლეიშვილი გამოეხმაურა.

თამარა ჩერგოლეიშვილი:

"ლელა, გასაწმენდი გაქვს კლავიატურის ლომებისგან "ფეისბუქი" - დაბლოკე ეს მანქურთები. ამათ რამის თავი თუ აქვთ, წავიდნენ თავის ბელადს უშველონ!

თორემ ის უკვე მათ გამო ქართულ ენას ებუტება. რამდენიც შენ დაგდევს შენი სიმართლის გამო, ამდენი მიშას აქციაზე არ გადის".

მას შემდეგ, რაც ოპონენტებმა, ჩერგოლეიშვილი გიჟად მოიხსენიეს, თამარამ საპასუხოდ დაწერა:

"გიჟი ციხეში გიზით და იმას მიხედეთ... ჩემს სიტყვებს გაიმეორებს ყველა საღი, გონიერი პატრიოტი. და თქვენ თქვენს ბელადს მიხედეთ, რომელსაც შველას დაპირდით..."

ლელა ქებურიას პოსტზე შეფასება გააკეთა ნანუკა ჟორჟოლიანმაც. ჟურნალისტმა დაწერა:

"არ მჯერა, რომ კობახიძეზე უარესი ხართ..."

შეგახსენებთ, რომ დღეს, სასამართლო პროცესზე მოსამართლე გიორგი არევაძემ მიხეილ სააკაშვილს უკრაინულ ენაზე განცხადების გაკეთების საშუალება არ მისცა...