ავტორი:

"ქალაქი დგას... მანქანიდან გადადის ხალხი" - კილომეტრიანი საცობები თბილისის ქუჩებში: რას წერენ და რა კადრებს აქვეყნებენ მოქალაქეები?

"ქალაქი დგას... მანქანიდან გადადის ხალხი" - კილომეტრიანი საცობები თბილისის ქუჩებში: რას წერენ და რა კადრებს აქვეყნებენ მოქალაქეები?
  • მთავარ ფოტოზე: მტკვრის მარცხენა და მარჯვენა სანაპიროები

თბილისის უმეტეს ქუჩაზე კილომეტრიანი საცობებია. ინტერნეტმომხმარებლები ყოველწუთიერად ავრცელებენ კადრებს ადგილიდან, სადაც მანქანების უდიდესი რიგია ასახული. განსაკუთრებით რთული მდგომარეობაა გმირთა მოედნიდან ლაგუნა ვერეს მიმართულებით, ასევე გმირთა მოედნიდან მ.კოსტავას ქუჩის მიმართულებით.

ასევე გადატვირთულია აღმაშენებლის ქუჩა, მტკვრის ორივე სანაპირო და სანაპიროდან ბარათაშვილის მიმართულებით მიმავალი გზა. გაძნელებულია მოძრაობა საბურთალოზე, ასევე ჭავჭავაძისა და რუსთაველის გამზირებზე. საცობებია აღმაშენებლის გამზირზეც. ადგილზე სიტუაციის განსამუხტად საპატრულო პოლიციის თანამშრომლები მუშაობენ.

"მანქანიდან გადადის ხალხი, ნახევარი საათია ერთ ადგილას ვდგავართ - ქალაქი გაჩერებულია"

"მზად ხართ აქციებისთვის თუ ასე უსასრულოდ ვიდგეთ საცობში?"

"თბილისის მერია, გადმოიხედე სააკაძეზე რა ხდება. ვინმე გამოუშვით მარეგულირებელი" - წერენ შეწუხებული მოქალაქეები სოციალურ ქსელში.

ნახეთ კადრები დედაქალაქის სხვადასხვა ქუჩებიდან - ვიდეო: "თბილისის ქუჩები", "ჩემი ქალაქი მკლავს"

აღმაშენებლის გამზირი - ფოტო: Teia González

მარჯვენა სანაპირო, გმირთა მოედანთან
იუსტიციის სამინისტროსთან
გაბრიელ სალოსის ქუჩა - ფოტო "ჩემი ქალაქი მკლავს"
მერაბ კოსტავას ქუჩა - მერიის მიმდებარე ტერიტორია

ასევე ხალხმრავლობაა მეტროსადგურებში, სადაც მგზავრთა გადაადგილება შეფერხებულია.

"საერთოდ რას აკონტროლებთ თქვენიიი....... 32 წუთი დამჭირდა მეორე ხაზის გადასასვლელთან რომ მივსულიყავიი !! არა ავტობუსით, არა მეტროთი, არა საკუთარი ავტომობილით არ შეგვიძლია ხალხს გადაადგილებააა!! ხალხოო ხმა ამოვიღოთ რას დუმხართ ? ყველანაირად შეგვზღუდა ამ ქათამმა !@@@ პროსტა ეს რა არის ??" - წერს ერთ-ერთი მოქალაქე "ფეისბუქ" ჯგუფში, ქალაქის პრობლემები.

"სატრანსპორტო კოლაფსი. მიწის ზევითაც და ქვევითაც ქალაქი დგას" - ჟურნალისტი ანა მარშანია.