"უნდა მიეცეს საშუალება მიიღოს სრულყოფილი მკურნალობა, რისი საშუალებაც არის აქ, თუ არ არის, სხვაგან" - მეუფე გრიგოლი მიხეილ სააკაშვილზე
"ყველა ადამიანს უნდა მიეცეს საშუალება და რა თქმა უნდა, მას {მიხეილ სააკაშვილს}, ამ მდგომარეობიდან გამომდინარე, რომ მიიღოს სრულყოფილი მკურნალობა, რისი საშუალებაც არის აქ, თუ არ არის ე.ი. სხვაგან", - ამის შესახებ ფოთისა და ხობის მიტროპოლიტმა, მეუფე გრიგოლმა განაცხადა.
მისივე თქმით, შესაბამის უწყებას უკვე მიმართა თხოვნით და 10 დღეში გახდება ცნობილი, შეძლებს თუ არა მიხეილ სააკაშვილის კლინიკა "ვივამედში“ მონახულებას.
"ძალიან მძიმე შთაბეჭდილება დატოვა. ვფიქრობ, რომ ყველა ადამიანს უნდა მიეცეს საშუალება და რა თქმა უნდა, მას ამ მდგომარეობიდან გამომდინარე, რომ მიიღოს სრულყოფილი მკურნალობა, რისი საშუალებაც არის აქ, თუ არ არის, ე.ი. სხვაგან“,- განაცხადა მეუფე გრიგოლმა.