"მორალურად გირგვლიანი არ იყო იმ სუფრასთან მართალი..." - მურმან დუმბაძე
პოლიტიკოსმა მურმან დუმბაძემ, "ვახო ხუზმიაშვილის თავისუფალ სივრცეში" სტუმრობისას განაცხადა, რომ სანდრო გირგვლიანი არ მოუკლავთ და ის უბრალოდ, ჯალათს გაექცა და გაიყინა. დუმბაძის თქმით, ის გულშემატკივრობდა სანდრო გირგვლიანის დედას, ირინა ენუქიძეს, მაგრამ მისი აზრით, სუფრაზე, რომელზეც კონფლიქტი მოხდა, გარდაცვლილი მორალურად მართალი არ იყო...
მურმან დუმბაძე:
- ირინა ენუქიძეს ვგულშემატკივრობდი, მაგრამ მორალურად გირგვლიანი არ იყო იმ სუფრასთან მართალი, სადაც ეს დანაშაული მოხდა. ჩემთან ზის ადამიანი, მე და თქვენ ვსხედვართ, მესამე პიროვნება მოდის და გვერევა ურთიერთობაში, რა წესია, მორალურად ვილაპარაკოთ.
- უნდა მოკლან ამის გამო?
- გირგვლიანი არ არის მოკლული, ჩვენ ვერ მოვიტანთ რაიმე დოკუმენტს. მორალურად გირგვლიანი იმ ბიჭებთან მართალი არ იყო, ისინი მორალურად მართლები იყვნენ. ისინი სისხლის სამართლის დამნაშავეები არიან, უნდა დაიჭირო, მაგრამ ამ დაჭერამდე საქმის წამოწყების ინიციატორი გირგვლიანია, ამას ამბობს მეორე მხარე. ოფიციალური დოკუმენტი გირგვლიანზე ამბობს, რომ დაუსხლტა გირგვლიანი, გაიქცა, გადავარდა, გადაიჩეხა, გაიყინა სუსხიან ტყეში და გარდაიცვალა. ის არ მოუკლავთ, მკვლელობა არ არის არც დანით, არც იარაღით, მკვლელობის ფაქტი არ არის ჩადენილი. ასე თქვა მოსამართლე მურუსიძემ, 2006-ში ის იყო ამ საქმის გამრჩევი...
- შეგახსენებთ, 2006 წლის 28 იანვარს სანდრო გირგვლიანი ოქროყანის სასაფლაოზე მოკლეს. ყველაფერი კი "შარდენბარში" დაიწყო, ინციდენტის მონაწილეები შსს-ს იმჟამინდელი მინისტრის ვანო მერაბიშვილის მეუღლე თაკო სალაყაია და მისი თანმხლები პირები გახდნენ. მომხდარის შემდეგ, ნაწამები და გარდაცვლილი სანდრო გირგვლიანი მისმა მეგობრებმა 28 იანვარს იპოვეს. შსს-მ თავდაპირველად განაცხადა, რომ მკვლელობა ე.წ. სვანურ გარჩევებს უკავშირდებოდა.
"გირგვლიანის საქმეს“ მოჰყვა უამრავი აქცია და პროტესტი. ეს იყო პირველი საქმე, რომელმაც "ნაციონალური მოძრაობის" მმართველობა მნიშვნელოვნად შეარყია...