"გახდი ბესტსელერის ავტორი 2023-ის" მეორე ტურის კონკურსანტები ცნობილია
„პალიტრა L-ი“ ტრადიციულად განაგრძობს ნიჭიერი ავტორების აღმოჩენას და წელსაც კონკურსის „გახდი ბესტსელერის ავტორი 2023“ გამარჯვებულები თავიანთ ნამუშევრებს მკითხველთა ფართო წრეებს გააცნობენ.
კონკურსი უკვე მე-5 წელია იმართება და სულ უფრო დიდი პოპულარობით სარგებლობს. წელს მასში მონაწილეობა მიიღო 85-მა ავტორმა, საიდანაც 10 ჟიურიმ, ხოლო 10 მკითხველმა შეარჩია.
ჟიურის რჩეულთა შორის არიან: ანი ბალიაშვილი, ანა ჩაბაიძე, ანა ძაძამიძე, ლუკა ხატიაშვილი, ნუციკო თხელიძე, ქეთი ხინთიბიძე, მიხაილ ედიშერაშვილი, ნატალია ზარნაძე, ნინო ჭკუასელი, რუსუდან ტყემალაძე.
ხალხის რჩეულებს შორის მოხვდნენ: მათე ბაღაშვილი, მარიამ გაბუნია, მარი შაშუკაშვილი, ფიქრია ყუშიტაშვილი, ანა ჩაჩიბაია, ტატო ჰენკელი, ნიკოლოზ ყვავაძე, მარიამ ნიკოლავა, ვერა გუგუჩია და ივა ვასილევი.
მეორე ტურში გასული კონკურსანტების ანუ ჟიურისა და ხალხის რჩეულთა ნამუშევრებისთვის ხმის მიცემა დაიწყება 10 იანვარს და დასრულდება 31 იანვარს. 1-ელ თებერვალს კი მაქსიმუმ სამი გამარჯვებული გამოცხადდება, საიდანაც ერთი მკითხველის რჩეული იქნება, ხოლო 2 - ჟიურის. მე-2 ტურში პირველ ტურში მიღებული ხმები ანულირდება და კონკურსანტებისთვის ხმის მიცემა დაიწყება თავიდან, ხმის მიცემის პროცედურის დაცვით.
რაც შეეხება ხმის მიცემის პროცედურას:
- ვებგვერდზე ხმის მიცემა ხორციელდება მობილური ტელეფონის ნომრის მეშვეობით;
- ხმის მისაცემად საჭიროა მომხმარებელმა შესაბამის ველში შეიყვანოს თავისი ტელეფონის ნომერი და დააჭიროს ღილაკს - „SMS კოდის მიღება“. მაქსიმუმ 1 წუთის განმავლობაში მომხმარებელი მიიღებს SMS კოდს, რომელსაც ხმის მიცემისთვის ჩაწერს ველში SMS კოდი.
თუკი მომხმარებელი ერთი წუთის განმავლობაში ვერ მიიღებს SMS კოდს, კოდის განმეორებით მიღება შესაძლებელი იქნება 1 წუთის გასვლის შემდეგ. ხმის მიცემის პროცედურა უფასოა.
- ტელეფონის ერთი ნომრიდან შესაძლებელია ერთ ნაწარმოებს ხმა მისცეთ მხოლოდ ერთხელ კონკურსის თითოეულ ტურში.
- ტელეფონის ერთი ნომრიდან შესაძლებელია ხმა მისცეთ ნებისმიერი რაოდენობის ნაწარმოებს.
ხმის მიცემის დასრულების შემდეგ სამი გამარჯვებულის ნამუშევარი გამოქვეყნდება და მკითხველს მათთან პირადად შეხვედრის საშუალებაც მიეცემა.
R