ავტორი:

"გახდი ბესტსელერის ავტორი 2023-ის" მეორე ტურში ხმის მიცემა იწყება

"გახდი ბესტსელერის ავტორი 2023-ის" მეორე ტურში ხმის მიცემა იწყება

„გახდი ბესტსელერის ავტორი 2023“ ფინალურ ეტაპს უახლოვდება. მკითხველს 10 იანვრიდან ეძლევა შესაძლებლობა, კონკურსის მეორე ტურში გასულ 20 ავტორს SMS-ების მეშვეობით დაუჭიროს მხარი.

ჟიურისა და ხალხის რჩეულთა ნამუშევრებისთვის ხმის მიცემა 31 იანვარს დასრულდება, 1-ელ თებერვალს კი მაქსიმუმ სამი გამარჯვებული გამოცხადდება, რომელთაგანაც ერთი მკითხველის რჩეული იქნება, ხოლო 2 - ჟიურის.

რაც შეეხება ხმის მიცემის პროცედურას:

  • ვებგვერდზე ხმის მიცემა ხორციელდება მობილური ტელეფონის ნომრის მეშვეობით;
  • ხმის მისაცემად საჭიროა მომხმარებელმა შესაბამის ველში შეიყვანოს თავისი ტელეფონის ნომერი და დააჭიროს ღილაკს - „SMS კოდის მიღება“. მაქსიმუმ 1 წუთის განმავლობაში მომხმარებელი მიიღებს SMS კოდს, რომელსაც ხმის მიცემისთვის ჩაწერს ველში SMS კოდი.

თუკი მომხმარებელი ერთი წუთის განმავლობაში ვერ მიიღებს SMS კოდს, კოდის განმეორებით მიღება შესაძლებელი იქნება 1 წუთის გასვლის შემდეგ. ხმის მიცემის პროცედურა უფასოა.

  • ტელეფონის ერთი ნომრიდან შესაძლებელია ერთ ნაწარმოებს ხმა მისცეთ მხოლოდ ერთხელ კონკურსის თითოეულ ტურში.
  • ტელეფონის ერთი ნომრიდან შესაძლებელია ხმა მისცეთ ნებისმიერი რაოდენობის ნაწარმოებს.

პირველ ტურში მონაწილეობა მიიღო 85-მა კონკურსანტმა, საიდანაც მეორე ეტაპზე მოხვდნენ შემდეგი ავტორები:

ჟიურის რჩეული: ანი ბალიაშვილი, ანა ჩაბაიძე, ანა ძაძამია, ლუკა ხატიაშვილი, ნუციკო თხელიძე, ქეთი ხინთიბაძე, მიხაილ ედიშერაშვილი, ნატალია ზარნაძე, ნინო ჭკუასელი, რუსუდან ტყემალაძე.

ხალხის რჩეული: მათე ბაღაშვილი, მარიამ გაბუნია, მარი შუკაკიშვილი, ფიქრია ყუშიტაშვილი, ანი ჩაჩიბაია, ტატო ჰენკელი, ნიკოლოზ ყვავაძე, მარიამ ნიკოლავა, ვერა გუგუჩია და ივა ვასილევი.

„პალიტრა L“ უკვე მე-5 წელია კონკურსის მეშვეობით განაგრძობს ნიჭიერი ავტორების აღმოჩენას და წელსაც „გახდი ბესტსელერის ავტორი 2023“ გამარჯვებულები თავიანთ ნამუშევრებს მკითხველთა ფართო წრეებს გააცნობენ.

ხმის მიცემის დასრულების შემდეგ სამი გამარჯვებულის ნამუშევარი გამოქვეყნდება და მკითხველს მათთან პირადად შეხვედრის საშუალებაც მიეცემა.

R