მშობლებს ეგონათ, რომ მათი ქალიშვილები გაიტაცეს... არადა, ბიჭის ტანსაცმელში გადაცმული თინეიჯერები BTS-ის წევრების სანახავად გაიპარნენ: პაკისტანიდან სამხრეთ კორეისკენ
არაფერია ცუდი იმაში, რომ გყავდეს კუმირი, მაგრამ ზოგჯერ მისდამი სიყვარული შეიძლება ძალიან შორს წავიდეს, მაგალითად, ისე, როგორც პაკისტანელი თინეიჯერების შემთხვევაში მოხდა.
13 და 14 წლის პაკისტანელი გოგონები 7 იანვარს ქალაქ ყარაჩიში, საკუთარი სახლიდან გაუჩინარდნენ. 13 წლის გოგონას მამის თქმით, მის ქალიშვილს ერთი წლით უფროსი მეგობარი ესტუმრა. ცოტა ხანში კი სახლიდან გავიდნენ. როდესაც კაცმა მათი მოძებნა გადაწყვიტა, ვეღარ იპოვა.
ცოტა ხანში თავის ქალიშვილს 14 წლის გოგონას მამამ მოაკითხა. რამდენიმე საათიანი ძებნის შემდეგ კაცებმა მიიჩნიეს, რომ მათი ქალიშვილები გაიტაცეს ან უცნობმა პირებმა დანაშაულებრივ სქემაში ჩართეს...
გოგონების ძიების საქმეში პოლიციაც ჩაერთო. 13 წლის გოგონას სახლის გაჩხრეკის შემდეგ აღმოაჩინეს დღიური, რისი საშუალებითაც გაარკვიეს, რომ გოგონები სამხრეთ კორეაში გამგზავრებას აპირებდნენ, რათა საკუთარ კერპებს - ჯგუფ BTS-ის წევრებს შეხვედროდნენ.
საინტერესოა ისიც, რომ მათ გაქცევის სპეციალური გეგმა ჰქონდათ შედგენილი. გეგმა მოიცავდა მატარებლის განრიგს, ასევე გუგლის ძიების ისტორიაში ისინი ეძებდნენ ტანსაცმელს, რომელიც კორეაში დასჭირდებოდათ. ძიების ველში გამოყენებული იყო სიტყვები: "რას უნდა ავარიდო თავი სამხრეთ კორეაში..."
აქტიური ძებნის მიუხედავად, მოზარდების პოვნა მხოლოდ რამდენიმე დღეში პაკისტანის ქალაქ ლაჰორში, მათი სახლიდან 1200 კილომეტრის დაშორებით შეძლეს, სადაც ისინი მატარებლით ჩავიდნენ.
საინტერესოა ის ფაქტიც, რომ გოგონები ბიჭის ტანსაცმელში იყვნენ გადაცმულები, რათა ზედმეტი ყურადღება არ მიექციათ.
კითხვაზე, თუ რატომ გადაწყვიტეს გაქცევა, პოლიციასთან განაცხადეს, რომ მათი მშობლები მათ გატაცებას გულგრილად უყურებდნენ და არაფარად აგდებდნენ...