"მან აღიარა, რომ მისი სახლის სარდაფში გამაუპატიურეს“ - ყოფილმა თანაკლასელებმა "უენსდეის“ ვარსკვლავი პერსი უაითი სექსუალურ ძალადობაში დაადანაშაულეს

მსახიობი პერსი ჰაინს უაითი, რომელის Netflix-ის ცნობილ სერიალში „უენსდეის“ ერთ-ერთი მთავარი გმირია, სექსუალურ ძალადობაში დაადანაშაულეს. მსახიობს ბრალდებებს უყენებს რამდენიმე გოგონა, რომლებიც ამტკიცებენ, რომ იცნობდნენ უაითს, როდესაც ის ჯერ კიდევ ტორონტოში საშუალო სკოლაში სწავლობდა. ისინი ამბობენ, რომ სექსუალური ძალადობის ინციდენტები მან მაშინ ჩაიდინა, როდესაც 17-დან 20 წლამდე იყო.

ყველაფერი Twitter-ზე ერთი პოსტით დაიწყო. მომხმარებელს მეტსახელად @milkievich, მოგვიანებით სხვა გოგოებიც შეუერთდნენ. ჰეშთეგი #cancelpercy ამჟამად სოციალურ ქსელში ყველაზე პოპულარულია. გოგონები ამტკიცებენ, რომ პერსი და მისი მეგობრები წვეულებებს აწყობდნენ, სადაც გოგონებს სასმელს სთავაზობდნენ, რათა მათი უმწეობით ესარგებლათ და სექსუალური კავშირი დაემყარებინათ.

"ის წვეულების დროს თავს დამესხა, როდესაც ძალიან მთვრალი ვიყავი. და მე არ ვარ ერთადერთი", - წერს ერთ-ერთი სავარაუდო მსხვერპლი.

ვარაუდობენ, რომ მსახიობი მუდმივად ავიწროებდა თანაკლასელებს, ეუბნებოდა მათ უცენზურო სიტყვებს, უგზავნიდა თავის ინტიმურ ფოტოებს და ასევე აქვეყნებდა ინტერნეტში გოგონების გულწრფელ ფოტოებს მათი თანხმობის გარეშე. ერთ-ერთმა გოგონამ თქვა, რომ ძალადობის შემთხვევის შესახებ პოლიციაში დარეკვა სცადა, მაგრამ მისი ჩვენება არ მიიღეს.

”მან აღიარა, რომ მისი სახლის სარდაფში გამაუპატიურეს და როდესაც დამირეკა, ყველაზე მეტად ის აწუხებდა, პოლიციაში განვაცხადე თუ არა და არა ის, კარგად ვიყავი თუ არა”, - წერს მომხმარებელი @desireecameron Twitter-ზე.

ერთ-ერთი გოგონა ამტკიცებს, რომ პერსიმ ის 14 წლის ასაკში გააუპატიურა. სკოლის წლებში მსახიობთან ნაცნობობის მტკიცებულებად მოიყვანა რამდენიმე ერთობლივი ფოტო, ასევე მიმოწერის სკრინშოტი.

თავად უაითს მის მიმართ წაყენებულ ბრალდებებზე ოფიციალურად კომენტარი არ გაუკეთებია, გამორთული აქვს კომენტარები სოციალურ ქსელში.

გოგონები ყურადღებას ამახვილებენ იმ ფაქტზეც, რომ პერსი სერიალში თავის კოლეგასთან, ჯენა ორტეგასთან თავხედურად იქცეოდა პრესის ერთ-ერთ ღონისძიებაზე და მკერდზე ხელიც კი ჩამოუსვა.

პერსი უაითმა მსახიობობა შვიდი წლის ასაკში დაიწყო, მაგრამ პოპულარობა ჯენა ორტეგას კლასელის, ქსავიერ ტორპის როლმა მოუტანა, სერიალში „უენსდეი“. მსახიობის წინააღმდეგ ბრალდებებამდე ცოტა ხნით ადრე გავრცელდა ჭორები, რომ უაითსა და ორტეგას რომანი შეიძლება რეალურ ცხოვრებაში ჰქონდეთ.