"როგორც ჩანს, ზოგს ამ გაზაფხულზე აუცილებლად "ჩავსვამთ“ - ვის ემუქრება დავით არახამია?
უკრაინის პარლამენტის ფრაქცია "ხალხის მსახურის“ თავმჯდომარე დავით არახამიას განცხადებით, ზოგიერთმა ჩინოსანმა "გონი დაკარგა და შიშის და სინდისის ქენჯნის გარეშე მაროდიორობს“. ამის შესახებ უკრაინელი პოლიტიკოსი "ტელეგრამის" პირად არხზე წერს.
"24 თებერვლიდან, ოფიციალური და არაოფიციალური არხებით ყველა დონის თანამდებობის პირებს მუდმივად აფრთხილებდნენ, რომ ფოკუსირება მოახდინონ ომზე, დაეხმარონ დაზარალებულებს, შეამცირონ ბიუროკრატია და შეწყვიტონ საეჭვო ბიზნესი. ამ გზავნილმა ზოგიერთმდე მიაღწია და ზოგამდეც, სამწუხაროდ, არა.
როგორც ჩანს, ზოგს ამ გაზაფხულზე აუცილებლად "ჩავსვამთ“, რადგან ადამიანურად არ ესმით, ეს მოხდება ომის კანონების თანახმად.
უახლოეს მომავალში დასრულდება უკრაინის ანტიკორუფციული ბიუროს დირექტორის თანამდებობაზე კონკურსი და დავასრულებთ დამოუკიდებელი ანტიკორუფციული ინფრასტრუქტურის მშენებლობას. ზოგმა გონება დაკარგა და შიშისა და სინანულის გარეშე ძარცვავს ქვეყანას. ეს შეეხება როგორც გენერატორების ბოლო შესყიდვებს, ასევე თავდაცვის სამინისტროს ახალ სკანდალებს. დღეს კომიტეტში გავარკვევთ სიტუაციას. მე გამოვალ ინიციატივით აღმასრულებელი ხელისუფლების საქმიანობაზე საპარლამენტო კონტროლის დაბრუნებაზე და როგორც ჩვენმა პრეზიდენტმა თქვა: "ეს იქნება შესაბამისი გადაწყვეტილებების კვირა".
<script async src="https://telegram.org/js/telegram-widget.js?21" data-telegram-post="David_Arakhamia/183" data-width="100%"></script>შეგახსენებთ, რომ 21 იანვარს, უკრაინის უსაფრთხოების სამსახურის თანამშრომლებმა ინფრასტრუქტურის მინისტრის მოადგილე ვასილი ლოზინსკი დააკავეს. ის ეჭვმიტანილია ხელოვნურად გაზრდილ ფასად სხვადასხვა ტექნიკის შეძენის ხელშეწყობის სანაცვლოდ 400 ათასი დოლარის ქრთამის აღებაში.